Казанда акыл белән куллану фестивалендә икенче чимал җыячаклар

Кунакларга шулай ук театраль тамашалар күрсәтәчәкләр, балалар экоуеннары һәм ярминкәләр оештырачаклар.

Фото: Марат Мугинов

(Казан шәһәре KZN.RU, 10-нчы август). 14-нче августта Казанда Түбән Кабан күле буенда акыл белән куллану фестивале узачак. Шәһәр халкы шәһәрнең кече театр труппаларыннан театр куелышларын карый, экоуеннарда катнаша һәм икенче чимал тапшыра алачак.

Экоактивистлар эшкәртүгә пластик карточкалар, теш щеткалары, кырыну станоклары, ручкалар, фломастерлар, пластик көпшәләр, шешәләрдән пластик капкачлар, фольга, дойпак, кремнардан, теш пасталарыннан тюбиклар, таблеткалардан блистерлар, сатып-алулардан чеклар, мобиль телефоннар һәм планшетлар, компьютерлар, ноутбуклар һәм аларның комплектлаучы әйберләр, батарейкалар һәм аккумуляторлар (автомобильләрнекеннән тыш) кабул итәчәк.

Моннан тыш, фестивальдә гипстан аромасаше ясау буенча балалар мастер-классы, «Перформанс за час» дәресе, үсемлекләр белән алмашу, элек кулланылышта булган кием һәм аяк киемнәре, аксессуарлар, китаплар, канцтоварлар, картиналар, уенчыклар һәм башка әйберләря ярминкәсе узачак.

Чара 12:00 сәгатьтән 19:00 сәгатькә кадәр барачак, дип хәбәр итә оештыручылар. Тулырак программа социаль челтәрләрдә «КультТорг» акыл белән куллану фестивале төркемендә бастырыла.

Шулай ук укыгыз

Барлык яңалыклар