Казанлылар икенчел чималны эшкәртүгә тапшыра алачаклар

Экологик акция 24-нче ноябрьдә шәһәрнең сәүдә үзәкләренең берсендә узачак.

(Казан шәһәре KZN.RU, 18-нче ноябрь). 24-нче ноябрьдә Казанда эшкәртү өчен икенчел чимал һәм кием җыю узачак. Казанлылар кирәкмәгән әйберләрне, макулатура һәм пластикны икенчел чималны кабул итү мобиль пунктына тапшыра ала. Экологик акция шәһәрнең сәүдә үзәкләренең берсендә үткәрелә.

Активистлар макулатура (тартмалар, китаплар, журналлар, газеталар һ. б.), пластик шешәләр, контейнерлар һәм «1», «2», «4» һәм өчпочмактагы «5» маркировкалы башка пластик эшләнмәләр, азык-төлек тара пыялалары (банкалар, шешәләр, флаконнар, шул исәптән ватыклар да), cd-дисклар һәм алардан бушаган тартмалар, пластик карталар, теш щеткалары, касса тасмаларыннан втулкалар, юылган яхшы кием-салым, аяк киеме, сумкалар, эшкәртүгә пластик уенчыклар, ноутбуклардан аккумуляторлар, вак гамәлдәге һәм эшләми торган техника (күп дигәндә электр чәйнәге күләмендә), шикәр, оннан бушаган ак полипропилен капчыклар, курчаклар, акция өчен капкачлар кабул итәчәк.

Мобиль пунктка катыргы күкәй савытлары, кабат куллануга пыяла банкалар, «Велоигелек» проекты өчен ватылган велосипедлар, йон, тукыма, кулчатырлар, экосумкалар тегү өчен пәрдәләр һәм джинсалар, брошюратор өчен пружиналар, орхидия тоттыру җайланмалары, хайваннар приюты өчен юрган һәм матрацлар, китаплар кабул итү туктатылган.

Акциягә кушылырга теләүчеләрне икенчел чималны әзерләү буенча инструкцияне игътибар белән өйрәнергә, шулай ук эшкәртүгә нәрсә тапшырырга мөмкин, ә нәрсәне ярамый икәнлеген алдан карарга чакыралар.

Акция 15.00 сәгатьтән 19.00 сәгатькә кадәр түбәндәге адрес буенча узачак: Җиңү Проспекты, 141, дип хәбәр итә оештыручылар.

Шулай ук укыгыз

Барлык яңалыклар