В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
11.08.2021, 14:07
Туган телебездә Казан татарлары тарихы
Бөек Тукай телендәге экскурсияләр Иске Татар бистәсендә уза
"Иске шәһәр" префектурасы Казанда татар телендә экскурсияләр уза торган аз санлы тарихи территорияләрнең берсе. Туристлар өчен татар телендә тәкъдим ителә торган әлеге чара борынгы башкалага килгән кунаклар арасында көннән-көн таныла бара.
"Әниләр" мәчете каршындагы "Ак калфак" оешмасы вәкилләре бөек Тукай телендә Иске Татар бистәсенең истәлекле урыннары белән танышучыларның берсе булды. Кунакларга Казанның тарихи урыннары буйлап экскурсияне "Тарихи мохит" муниципаль бюджет учреждениесенең зыялы экскурсоводы үткәрде. Алар бистәнең борынгы урамнары буйлап архитектура һәйкәлләре һәм мөселманнарның изге урыннары белән таныштылар, Казанның "йөзек кашы" булган күренекле шәхесләре турында тарихи мәгълүматлар тыңладылар.
"Иске шәһәр" буенча экскурсияне татар телендә теләге булган һәркем тыңлый ала. Моның өчен +7 904 714 32 51 телефон номерына шалтыратып язылырга була.