Совет районының икътисади мөмкинлеге: 27 мең предприятие, 166 мең эш урыны, 28 мең үзмәшгуль граждан

Совет районының икътисади мөмкинлеге: 27 мең предприятие, 166 мең эш урыны, 28 мең үзмәшгуль граждан

Совет районы икътисади активлыгы масштаблары буенча Казанның иң зур районы статусын саклап кала. Бүген район территориясендә 27 мең предприятие бар, аларда 166 мең кеше эшли. Кече һәм урта эшмәкәрлек секторы икътисад үсешенә зур өлеш кертә: 12 мең кече һәм урта эшмәкәрлек предприятиесендә 46 мең казанлы эшли.<br> <br> Районда үзмәшгульләргә ярдәм итүгә аерым игътибар бирелә. Хәзер Совет районында 28 меңнән артык үзмәшгуль граждан исәпләнә. Районның сәүдә үзәкләрендә уздырыла торган ярминкәләр аларның продукциясен сатуда мөһим инструмент булып кала. 2025 елда 134 ярминкә оештырылды, алар товарлар сату, тәҗрибә уртаклашу һәм клиентлар базасын киңәйтү мәйданчыгына әверелде.<br> <br> Мәшгульлеккә эзлекле ярдәм күрсәтү районга эшсезлек дәрәҗәсен киметергә мөмкинлек бирә. Бүгенге көнгә рәсми рәвештә 290 эшсез теркәлгән – бу үткән ел белән чагыштырганда азрак. Шул ук вакытта бер эшсезгә уртача сигез буш эш урыны туры килә.<br> <br> Шуның белән беррәттән хезмәт мөнәсәбәтләрен закнлаштыру һәм хезмәткәрләрнең хокукларын яклау буенча даими эш алып барыла. 2025 елда районда «соры хезмәт базары»на каршы көрәш буенча 111 комиссия узган. Моннан тыш, хезмәт мөнәсәбәтләрен алыштыру куркынычын тикшерү кысаларында 121 оешма тикшерелгән, 81 очракта хокук бозулар расланган. Бу эш быел да дәвам итәчәк.<br> <br> Район үсешенең тагын бер мөһим этәргече – сәүдә һәм кулланучылар базары. Районда 8,5 меңгә якын сәүдә һәм хезмәт күрсәтү объекты бар. Бу өлкәдә тәртип урнаштыру эше дәвам итә: 2025 елда район урамнарыннан 31 законсыз сәүдә объекты алынды. Шулай ук сәүдә предприятиеләренең фасадлары яңартыла: 2025 елда 8 фасад төзекләндерелгән, 2026 елда тагын 12сен ремонтлау планлаштырылган.<br> <br> «Казанькомпрессормаш» ААҖ базасында кертемнәр күләме 4 млрд сумга якын булган технологик «нефть суырту» насослары заводы төзү турында карар районның сәнәгать мөмкинлеге өчен мөһим вакыйга булды.Предприятие чит ил ширкәтләре белән эшләүгә караганда башка мөмкинлек тудырачак һәм елына 300гә кадәр насос системасы чыгара алачак. Төзелешнең беренче чиратын башлап җибәрү 2026 елның июнь аена билгеләнгән. Проектны гамәлгә ашыру 200 яңа эш урыны булдыруны тәэмин итәчәк.<br>

2026-03-16T08:33:11+0300