31 августта казанлылар эшкәртүгә икенчел чималны тапшыра алачак

Чарада яхшы хәлдәге кулланылган әйберләрне сатарга һәм сатып алырга, шулай ук эшкәртүгә икенчел чималны тапшырырга мөмкин булачак.

(Казан шәһәре KZN.RU, 28-нче август). 31-нче августта Кабан күле яр буенда КультТорг экологик маркеты узачак. Чарада яхшы хәлдәге кулланылган әйберләрне сатарга һәм сатып алырга, шулай ук эшкәртүгә икенчел чималны тапшырырга мөмкин булачак.

КультТорг - тормышка экологик караш һәм минимализм өчен чыгыш ясый торган акыллы куллану чарасы. Маркеттан тыш, чарада лекцияләр тыңларга, рәсем сәнгате, граффити, скрапбукинг һәм скетчинг стилендә китаплар өчен закладкалар төзергә, интерьерлар декоры өчен тукымадан кабак тегәргә мөмкин булачак.

14.00 сәгатьтән 17.00 сәгатькә кадәр Культторгта #ЭкологичноКазаньхәрәкәтеннән икенчел чимал җыю башкарылачак. Активистлар 1(РЕТ), 2(HDPE), 4(LDPE) тамгалы пластик шешәләр, калай һәм алюминий банкалар, макулатура (кәгазь, журнал, картон, иске китаплар), пластик карточкалар, теш щеткалары, касса тасмаларыннан втулкалар, трубкалар, пластик капкачлар, «Казан хөрмәсе» проекты өчен җеп, экосумкалар тегү өчен тукымалар һәм зонтиклар кабул итәчәк.

Теләүчеләр шулай ук экотоварлар сатып ала алачак: букчалар, капчыклар, авоськалар, күп тапкыр кулланыла торган бахилалар, подгузниклар, пеленкалар, паучи, шешә һәм стаканнар, джут сүсеннән әзерләнгән губкалар, бамбук щеткалар һәм термокружкалар.

Ә 16.00 сәгатьтә проектның активисты Елена Прокопова «Кием җитештерүнең әйләнә-тирә мохиткә йогынтысы» темасына сораулар белән викторина үткәрәчәк.

КультТоргны 14.00 сәгатьтән 19.00 сәгатькә кадәр уздыру планлаштырыла, дип хәбәр итә оештыручылар.

Шулай ук укыгыз

Барлык яңалыклар