17 августта казанлылар икенчел чималны эшкәртүгә тапшыра алачаклар

Экологик акция 17-нче августта шәһәрнең Әмирхан проспекты, 3 адресы буенча урнашкан сәүдә үзәгенең парковкасында узачак.

(Казан шәһәре KZN.RU, 12-нче август). 17-нче августта казанлылар мобиль пунктка кирәкмәгән әйберләрне һәм каты көнкүреш калдыкларын эшкәртү өчен тапшыра алачаклар. Теләгән кешеләр «Велодобро» акциясенә, «Хөрмә» һәм «Комп ученый» хәйрия проектларына ярдәм итә ала.

Активистлар макулатура, «1», «2», «4» маркировкасы салынган пластик шешәләр, «1», «5», «6» маркировкасы белән пластик контейнерлар һәм башка эшләнмәләр, «1», «2», «4», «5», «6», «7» маркировкасы белән йомшак пластик, пыяла, алюминий һәм калай банкалары,«Тетра пак», «Дой пак» төргәкләре; cd-дисклар һәм алардан бушаган тартмалар, пластик карталар, теш щеткалары, касса тасмасы втулкалары, кием-салым, аяк киеме, сумкалар, пластик уенчыклар, ноутбуклардан аккумуляторлар, вак техника; «Велодобро» проекты өчен капрон оеклар,ватык велосипедлар, «Хөрмә» хәйрия проекты өчен тукымалар, кулчатырлар, экосумкалар тегү өчен джинс тукыма, акция өчен капкачлар, шулай өчен гөлләр өчен пластик чүлмәкләр, мәче бәдрәфе өчен махсус сеңдергечләрне һәм мәчеләр өчен әзер азык кабул итәләр. Шулай ук «Комп ученый» проекты өчен компьютерлар, ноутбуклар һәм аларны комплектлау әйберләре тапшырырга мөмкин.

Өстәмә рәвештә экоактивистлар брошюратор өчен пружиналар, орхидеялар өчен сабакларны тоттырып кую җайланмалары, бер тапкыр кулланыла торган кырыну станоклары, видео- һәм аудиокассетлар һәм ветошь кабул итәчәк.

Акциядә катнашырга планлаштырган шәһәрлеләргә инструкция белән танышырга һәм эшкәртүгә нәрсәне тапшырырга мөмкин, ә нәрсәне ярамый икәнен өйрәнергә киңәш итәләр.

Мобиль пункт икенчел чималны 10.00 сәгатьтән 13.00 сәгатькә кадәр түбәндәге адрес буенча урнашкан сәүдә үзәге янындагы парковкада кабул итәчәк: Әмирхан пр., 3, дип хәбәр итә оештыручылар.

Шулай ук укыгыз

Барлык яңалыклар