ТР башкаласында мобилизацияләнүчеләр, аларның гаиләләре һәм Лисичанскида яшәүчеләр өчен гуманитар ярдәм җыю пунктлары эшләвен дәвам итә

Мохтаҗларга әйберләрне көн саен 10:00 сәгатьтән 20:00 сәгатькә кадәр тапшырырга мөмкин.

Фото: Денис Гордийко

(Казан шәһәре KZN.RU, 13 нче декабрь). Казанлылар мобилизацияләнүчеләрнең гаиләләренә, «Тимер» һәм «Алга» батальоннары хезмәткәрләренә һәм Лисичанскида яшәүчеләргә ярдәм күрсәтә ала. Гуманитар ярдәм җыю пунктлары көн саен 10:00 сәгатьтән 20:00 сәгатькә кадәр ТР башкаласының һәр районында эшли.

Кайбер пунктлар – сәүдә объектларында, калганнары шәһәр спорт комплексларында урнашкан. Аларның һәрберсе «Игелекле Казан» логотибы белән билгеләнгән.

Гуманитар ярдәм җыю пунктларының адреслары

Адоратский, 12;
Копылов, 1а;

Восстание, 115а;

Курск, 10б;

Халтурин, 3 («Баско» СК);

Ленинград, 26 («Мотор» СК);

Ваһапов, 17а («Ак Бүре» УСК);

Гаврилов, 48а («Алтын алка» СК);

Чуйков, 8 («Ватан» СК);

Химиклар, 40 («Форвард» СК);

Җ.Фәйзи, 2а (Бокс һәм өстәл теннисы үзәге);

Футбол, 1 («Локомотив» стадионы);

Гагарин, 56 («Тасма»);

Ташаяк, 2а (Үзәк стадион);

Стадион, 1а («Ракета» стадионы);

Н.Ершов, 7 («Хезмәт резервлары» стадионы)

Теләүчеләр озак вакыт саклана торган азык-төлек товарларын, мәсәлән, консервлар, пакетлы чәй, тиз эри торган кофе, пастеризацияләнгән һәм коры сөт, макарон, ярмалар һ.б. тапшыра алалар. Гигиена чаралары да җыела: теш пастасы һәм щеткалары, шампунь, сабын, кырыну өчен күбек, кер юу порошогы, бәдрәф кәгазе.

Шулай ук кирәкле әйберләр исемлегендә куртка һәм пуховиклар, аяк киеме, футболкалар, флислы тельняшкалар, термобелье, трико, оекбашлар, перчаткалар, бияләйләр, шапкалар һәм башкалар бар. Тулы исемлек белән сылтама буенча танышырга мөмкин.

Казан предприятиеләреннән һәм халкыннан ярдәмне йөк җыю, комплектлау һәм формалаштыру (Горький шоссесы, 53а) үзәк складында кабул итәләр. Ул дүшәмбедән җомгага кадәр 9:00 сәгатьтән 18:00 сәгатькә кадәр, шимбә көнне 9:00 сәгатьтән 14:00 сәгатькә кадәр эшли. Узган атнада складтан Лисичанскига 100 тоннага якын авырлыктагы гуманитар йөкнең өченче партиясен җибәрделәр. 100 тонна күләмле гуманитар йөкнең беренче партиясен – 10 нчы ноябрьдә, ә икенче партияне 22 нче ноябрьдә озаттылар.

Шулай ук укыгыз

Барлык яңалыклар