Казан метросында ике атна эчендә 16,5 чакрым тоннель юганнар

Хезмәткәрләр 1,5 чакрымнан артык эшләрне кулдан башкарган

«Метроэлектротранс» муниципаль унитар предприятиесе фотосы

Казан метрополитенында соңгы ике атнада 16,5 чакрымнан артык тоннель юылган. Эшләр тәүлек буе башкарылды, дип хәбәр итә «Метроэлектротранс» муниципаль унитар предприятиесе матбугат хезмәте.

Әйтик, «Авиатөзелеш» станциясеннән «Җиңү проспекты» станциясенә кадәрге участокта махсус агрегат белән икенче төп юлда 8 мең 968 метр ара юылган. Тоннельнең беренче төп юлы буйлап «Авиатөзелеш» станциясеннән «Төньяк вокзал» станциясенә кадәрге тимер юл өлешендә 1 мең 293 метр ара юылган.

Моннан тыш, хезмәткәрләр шулай ук «Кәҗә бистәсе», «Дубравная», «Яшьлек», «Сукно бистәсе», «Габдулла Тукай мәйданы» һәм «Горки» станцияләрендә 4 мең 750 квадрат метр тирәсе метро стеналарын һәм рельслар арасындагы уемнарны кулдан юганнар.

Икенче төп юл буенча «Г.Тукай мәйданы» – «Кремль мәйданы» участогында 1 мең 231 метр ара, шулай ук беренче төп юл буенча кире юнәлештә 350 метр ара кулдан юылган

Ике атна эчендә метрополитенда җиһазлар төзекләндерелгән. Станцияләрдә 42 ишекне рәткә китергәннәр. «Әмәт» станциясендә инвалидлар өчен каралган пандуслардагы 53 идән һәм стена плитәсе алыштырылган.

Электр транспорты депосы территориясендә тузган 32 борысны алыштырганнар, 40 метр рельс һәм 53 метр тоннель юлын көйләгәннәр.

Алдарак салкыннар башланыр алдыннан Казан метрополитенының барлык хезмәткәрләренең дә кышкы сезонга зур әзерлек эшләре үткәргәнлеге хакында хәбәр ителгән иде. «Метроэлектротранс» белгечләре төп системаларны тикшергән, вентиляцияне кышкы режимга күчергән, кар чистарту өчен кирәкле җайланмаларны яңарткан һәм бозлавыкка каршы 380 капчык реагент әзерләгән.

Шулай ук укыгыз

Барлык яңалыклар