В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
26.01.2024, 14:08
Киров һәм Мәскәү районнары махсус хәрби операция зонасына кораллар, кирәк-яраклар һәм махсус җиһазлар белән җиде фура җибәргән
Администрациянең патронажы астында 800 дән артык гаилә бар
Фото: Денис Гордийко
«Куелган хәрби бурычларны нәтиҗәле үтәү өчен ун автомобиль тапшырылды, алар арасында «Нива», КАМАЗ, «Газель» бар. Шулай ук даими рәвештә квадрокоптерлар, төнлә күрү өчен махсус җайланмалар, тепловизорлар, тактик аптечкалар, җылылык пушкалары тапшырабыз. Мондый махсус җиһазлар артык булмый», – дип билгеләп үтте Сергей Миронов.
Йөкне формалаштыруда волонтерлар, мәсәлән, үзләре окоп шәмнәре ясаучылар, шулай ук битараф булмаган кешеләр зур ярдәм күрсәткән. Мәсәлән, Фәрит Гыйльфанов үзе буржуйка мичләре ясаган, ә аның хатыны махсус хәрби операция катнашучылары өчен йон оекбашлар бәйләгән. Шулай ук Залесный поселогында яшәүчеләр белән бергә ул маскировка челтәрләре үрүне һәм йокы капчыклары ясауны оештырган.
Сергей Миронов хәбәр иткәнчә, хәзер администрация патронажы астында 800 дән артык гаилә тора. Һәрберсенә барлык мәсьәләләр буенча элемтәдә торучы хезмәткәр беркетелгән. Мәсәлән, көнкүреш һәм төзелеш мәсьәләләрен хәл итүдә, медицина учреждениеләрендә дәвалануда һәм дарулар сатып алуда, мәктәп кирәк-яраклары һәм балалар киемнәре белән тәэмин итүдә адреслы ярдәм күрсәтелә.
Махсус хәрби операция вакытында районның 10 кешесе «Батырлык өчен» медальләре, «Ватан алдындагы казанышлары өчен» ордены һәм Батырлык ордены алган.
Моннан тыш, Мәскәү районында (Воровский урамы, 25) җәй көне контракт хезмәтенә сайлап алу буенча шәһәр үзәге эшли башлады. Үзәк ярдәмендә контрактка кул куярга теләүчеләр төрле документлар, шул исәптән медицина белешмәләре җыю вакытын шактый кыскарткан.
Шулай ук укыгыз
-
30.06.2025, 10:48 -
30.04.2025, 15:53 -
31.03.2025, 14:56 -
26.03.2025, 09:12