Казан паркларында Яңа ел корылмалары ике атна эчендә сүтеләчәк

Казан паркларында Яңа ел корылмалары ике атна эчендә сүтеләчәк

<div class="detail-picture"> <img src="https://kzn.ru/upload/iblock/812/8125e2026a534584e9d66eea3b03f3f5.jpg"> <p class="detail-picture__caption"> Денис Гордийко фотосы </p> </div> <p> Татарстан башкаласында парк һәм скверларга куелган яңа ел корылмаларын сүтү эшләре башланды. Иҗтимагый киңлекләрдәге бәйрәмчә бизәү җайланмаларын ике атна эчендә тулысынча алып бетерергә ниятлиләр. «Черек күл» паркы искәрмә булып тора. Биредә яңа ел декорацияләре шәһәр халкын шугалак сезоны тәмамланганчы сөендерәчәк. </p> <p> Хәзерге вакытта Дәрвишләр бистәсендәге Мир урамында урнашкан паркта, «Ак чәчәкләр» бульварында, Фучик урамындагы бульварда, «Континент» паркында, «Салават күпере» торак комплексы янындагы паркта, Урицкий исемендәге паркта һәм Лядской бакчасында чыршылар һәм бизәү җайланмалары сүтеп алынган инде. </p> <p> Якын арада шәһәр хезмәтләре башка мәйданчыкларда да бәйрәм декорацияләрен сүтәчәк. Бу атнада Яңа ел чыршылары «Крылья Советов» паркында һәм Серов урамындагы бульварда сүтеләчәк, дип хәбәр итә Парклар һәм скверлар дирекциясе. </p> <p> Элегрәк хәбәр ителгәнчә, «Паркларда кыш» Яңа ел программасы кысаларында Казан халкы һәм кунаклары өчен шәһәрнең 30 иҗтимагый киңлегендә 251 чара оештырылган. Бәйрәм тамашаларына 560 меңнән артык кеше килгән. </p>

2026-01-27T12:43:08+0300