Казанлылар Сөяк җелеге донорлары федераль исемлегенә керергә мөмкин

Казанлылар Сөяк җелеге донорлары федераль исемлегенә керергә мөмкин

<div class="detail-picture"> <img src="https://kzn.ru/upload/iblock/5ee/5ee8eb93c6355b8b2dcc63b9c947b453.jpg"> <p class="detail-picture__caption"> Фото: Фотосурәт авторы </p> </div> 27 мартта Казанда Сөяк җелеге донорлары федераль исемлегенә керү акциясе узачак. Әлеге акциядә медицина каршы күрсәтмәләре булмаган 18 яшьтән 35 яшькә кадәрге Казан халкы катнаша ала.<br> <br> Әлеге исемлеккә керү өчен, махсус әзерлек яки диета таләп ителми. Ирекле гражданнарга үзләре белән паспорт һәм шәхси хисапның иминиятләштерү номерын (СНИЛС) алу сорала. Теркәлүгә озак вакыт кирәкми: булачак донорга сораунамәне тутырырга, табибка күренергә һәм тамырдан кан бирергә кирәк булачак. Аннары донор турында мәгълүмат һәм тикшеренү нәтиҗәләре федераль базага кертеләчәк, дип хәбәр итә «Игелекле Казан».<br> <br> Акция Островский урамындагы 69 йорт адресы буенча «Росплазма» кан үзәгендә 9:00 дан 13:00 кә кадәр узачак.<br> <br> Донор булу өчен тулы мәгълүматны <a target="_blank" href="https://donorsearch.org/requirements/">сылтама</a> буенча табарга була.<br> <br> Чараның оештыручылары – Федераль медицина-биология агентлыгының «Росплазма» Россия Медицина фәнни-җитештерү үзәге» Федераль дәүләт бюджет учреждениесе һәм DonorSearch кан донорлары бергәлеге.<br> <br> Акция «Игелекле Казан» КБАО, «Татнефть» хәйрия фонды һәм гражданнар җәмгыятен үстерү өчен бүлеп бирелгән Татарстан Республикасы Рәисе гранты ярдәмендә гамәлгә ашырыла.<br>

2026-03-23T16:38:50+0300