В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
25.11.2025, 13:34
Хорның кышкы лабораториясе: «Салават күпере» паркында вокал дәресләре үткәрелә башлый
Катнашучылар укулар азагында Яңа ел концертында чыгыш ясый алачак
Марат Мөгыйнов фотосы
Татарстан башкаласында 3 декабрьдән 27 декабрьгә кадәр «Салават күпере» торак комплексы янындагы паркта хорның кышкы лабораториясе эшли башлый. Чарага 16 яшьтән олырак шәһәр халкы кушыла ала.
Остаханәдә катнашучылар үзләрен ишетергә һәм музыканы анализларга өйрәнәчәк, җырлау өчен кирәкле төп күнегүләрне үзләштерәчәк, яраткан композицияләрен өйрәнәчәк һәм паркта Яңа ел концертында чыгыш ясаячак. Җырчы, вокал буенча педагог, Yummy Music татар альтернатив музыкасы лейблы артисты Элина Ситдыйкова программаның кураторы итеп билгеләнгән.
Дәресләр парк остаханәсендә атнага ике тапкыр: чәршәмбе көннәрендә 19:30 һәм шимбә көннәрендә 15:00 сәгатьтә узачак, дип хәбәр итә Парклар һәм скверлар дирекциясе.
Лабораториядә катнашу өчен әлеге сылтама буенча проект чатына кушылырга кирәк.
Шулай ук укыгыз
-
25.11.2025, 10:54 -
20.11.2025, 13:38 -
20.11.2025, 13:02 -
17.11.2025, 14:47