Казанлы Яңа елның игелекле традицияләре турында: «Бу хәйриячелек кенә түгел, ә кешедә иң яхшы сыйфатлар тәрбияләү»

Яраткан бәйрәм алдыннан шәфкатьле эшләр турында дүрт тарих – KZN.RU порталында

Яңа ел бәйрәмнәре якынлашу белән могҗизалар көтү белән тулган үзенчәлекле атмосфера урнаша. Бу өметләр, хыяллар һәм, әлбәттә, игелекле эшләр вакыты. Кешеләр ел саен бу чорны таяныч һәм ярдәмгә мохтаҗлар өчен шатлыклы итү өчен берләшәләр. Алар якыннарына кайгырту һәм йөрәк җылысын бүләк итәләр. Хәйриячеләр гуманитар ярдәм үзәкләренә иганәләр бирәләр, өлкәннәр өчен хәйрия акцияләре үткәрәләр, ата-ана каравыннан мәхрүм калган балалар өчен бәйрәм кәефе тудыралар. Кечкенә адымнардан алып масштаблы гамәлләргә кадәр кешеләр әйләнә-тирәдәгеләрнең тормышына яктылык алып килергә омтыла. Яңа ел алдыннан казанлылар KZN.RU хәбәрчесенә аларның нинди яхшы Яңа ел традицияләре булуы турында сөйләделәр.

Балалар өчен бәйрәмнәр оештыру һәм хәйрия акцияләрендә катнашу

Казан блогеры Евгений Сергеев «Алдынгылар хәрәкәте» Бөтенроссия балалар һәм яшьләр берләшмәсе үткәрә торган хәйрия акцияләрендә катнаша. Берләшмә ел саен Яңа ел бәйрәмнәрендә үзләренең һөнәри бурычларын үтәүче кешеләрне – табибларны, янгын сүндерүчеләрне, полиция хезмәткәрләрен һәм башка белгечлек вәкилләрен котлый. Балалар беренче тапкыр 2022 елда уздырылган «Россия балалар Кыш бабае» акциясе кысаларында алар өчен яңа ел атмосферасы тудырырга ярдәм итәләр.

Волонтерлар хезмәтчәннәргә үз куллары белән ясаган бүләкләр тапшыралар, шулай ук шигырьләр сөйлиләр һәм бәйрәм җырларын башкаралар. Һөнәр вәкилләре үз чиратында активистларны үз эшләре белән таныштыра, тематик экскурсияләр үткәрә.

Җәмгыять файдасына эшчәнлеккә илһамны яшь кеше үз гаиләсендә ала. Күп еллар элек Сергеевларда «Балалар Яңа елын» бәйрәм итү традициясе барлыкка килә, ул яшь буынны һәм аларның дусларын берләштерә. Өлкәннәргә бәйрәм чарасын оештырырга иң башта блогерның олы апасы Анна ярдәм иткән. Ә хәзер егет үзе дә гомуми эшкә актив җәлеп ителгән.

«Көндәлек мәшәкатьләр белән без тормыш турында сөйләшергә һәм могҗиза өчен урын табарга сирәк өлгерә идек. Нәкъ менә шуның өчен ата-аналарда шундый бәйрәм булдыру идеясе туды да инде», – дип билгеләде казанлы. Ел саен чараның программасы аерыла. Башта аның өчен Евгенийның әнисе Екатерина җаваплы булган: ул балалар рольләр башкарган күренешләр иҗат иткән. Алар әйлән-бәйлән уйныйлар, уеннарда һәм бәйгеләрдә катнашалар. Хәзер инде Анна һәм Евгений үзләре программа төзиләр, бу эштә аларга бәйрәмнең кечкенә катнашучылары ярдәм итә.

Очрашулар вакытында алар шәһәр буйлап йөриләр, бергә яңа ел фильмнарын карыйлар, киләчәк турында хыялланалар. Кунакларга бүләкләр һәм татлы күчтәнәчләр бирелә. Бу очрашулар безгә эчкерсез хисләребез белән уртаклашырга һәм бер-беребезнең тормышын бераз бәхетлерәк итәргә ярдәм итә», – дип саный Евгений.

Приютка ярдәм итү һәм өлкән яшьтәге кешеләргә бүләкләр ясау

Рамилә Мөхәммәдиярова кешеләргә шатлык өләшергә һәм аларны кайгыртырга ярата. Казанда яшәүче хатын-кыз Борхан Шаһиди урамында урнашкан «Кеше приюты» ярдәм пунктына кием-салымны һәм азык-төлекне даими җибәрә.

Хәйрия оешмасы аз керемле пенсионерларга, күп балалы гаиләләргә, инвалидларга, билгеле бер яшәү урыны булмаган кешеләргә, шулай ук авыр тормыш хәленә эләккән кешеләргә һәрьяклап ярдәм күрсәтә. Приютның берничә эш юнәлеше бар. Мәсәлән, ул мохтаҗ кешеләргә кайнар ризык, азык-төлек җыелмалары, кием-салым, төн кунарга урын, юридик, психологик һәм башка кирәкле ярдәм күрсәтә.

«Мин хәйриячелек белән берничә ел элек шөгыльләнә башладым. Моңа минем эчке халәтем йогынты ясады. Ниндидер яхшылык эшләргә теләдем, ләкин нәрсә икәнен белмәдем. Азык-төлек сатып алдым да приютка алып киттем», – дип уртаклашты Рамилә Мөхәммәдиярова. Ул һәрвакыт «уң кулың нәрсә эшләгәнен сул кулың белмәсен» принцибын күз уңында тотуын өстәде. Инҗил хакыйкатенең мәгънәсе шунда: сәдаканы яшерен рәвештә эшләргә кирәк.

Яңа ел алдыннан Рамилә алтын яшьтәге кешеләрне сөендерергә омтыла. Кыз шәһәрнең сәүдә үзәкләренең берсендә кондитер эшләнмәләре һәм икмәк пешерү бүлеге белән җитәкчелек итә. Бәйрәмгә биредә өлкәннәрдән Кыш бабайга хатлар язылган чыршы куялар. Рамилә һәм аның хезмәттәшләре өчен күркәм традиция булып пенсионерларның теләкләрен үтәү тора – һәркем берәр открытка ала һәм тиешле бүләк әзерли.

Балалар хастаханәсендә бәйрәм рухы тудыру

Дмитрий Сәлимов хәйрия өлкәсендә инде күптән. Казанлының Яңа ел традициясе – 18 нче балалар клиник хастаханәсендә бәйрәмнәр үткәрүдә актив катнашу. Тарих 14 ел элек балаларга ярдәм итү теләгеннән башланган.

Ул вакытта Дмитрий ике яшьлек улы белән медицина учреждениесендә дәваланган булган. Ир-ат психоневрология бүлегендә төрле сәбәпләр аркасында ата-ана каравыннан мәхрүм калган балалар булуын күргән. «Әти кеше буларак, мин балаларны ничек ташларга, алардан ничек баш тартырга мөмкин икәнен аңлый алмадым. Аларга ярдәм итә алам дип уйладым», – диде әңгәмәдәш.

Дмитрийның барлык башлангычларында аның хәйрия эшчәнлегенә кушылган дуслары хуплаган. Алар бергәләп 18 нче хастаханәдә башка бәйрәмнәрдә дә, мәсәлән, балаларны яклау көнендә дә чаралар үткәрәләр. Моннан тыш, фикердәшләр уртак тырышлык белән учреждениене төрле материаллар белән тәэмин итә. Дмитрий сөйләгәнчә, элегрәк алар обойлар китерүдә булышканнар, керү урыннарында видеокүзәтү, шулай ук электрон йозаклар урнаштырганнар. Вакыт-вакыт команда балаларга яңа әйберләр, шәхси гигиена чаралары, витаминнар китерә.

Дмитрий Сәлимов – «МИР» инженерлык компаниясенә нигез салучы. Казанлы, мөмкинлекләренә карап, «Ярдәм» хәйрия фондына финанс ярдәме күрсәтә. Ә спорт клубларының берсендә коллектив тырышлыгы белән тулы ремонт ясалган. Балалар бушлай спорт белән шөгыльләнә алсын өчен залны торгызганнар һәм инвентарь сатып алганнар. Ул шулай ук команданың Татарстан республикасының атказанган тренеры Александр Даренков алып барган иҗтимагый эшчәнлектә катнашуын да өстәде.

«Без башлаганда барысын да үз көчебез белән эшләдек. Хәзер төрле шәһәрләрдән, шул исәптән Мәскәү һәм Уфадан кешеләр ярдәм итә. Бу төрле һөнәр ияләре – төзүчеләр, бизнесменнар, чиновниклар», – дип билгеләде әңгәмәдәш. Команданың хәйрия эшчәнлегенә даими нигездә казанлылар Эдуард Манелов, Александр Липкин, Данил Хөснетдинов ярдәм итәләр.

Яңа елны интернатта тәрбияләнүчеләр белән билгеләп үтү

Мең ли юл беренче адымнан башлана, дигән кытай зирәклеге бар. Саматов – Исрафиловлар гаиләсе өчен Дәрвишләр интернат-йортына мәктәп сәфәре башлангыч нокта булып тора. Бертуган апалы-сеңелле кызларның, Эльвира белән Лиананың күркәм традициясе учреждениедә тәрбияләнүчеләргә могҗиза бүләк итү теләгеннән башлана.

2017 елда Саматовлар гаиләсенең олы кызы 131 нче лицейның чыгарылыш сыйныфында укый. Бервакыт ата-аналар җыелышында сыйныф җитәкчесе лицей укучыларына тормышның икенче ягын күрсәтү һәм аларны ярдәмгә мохтаҗлар турында кайгыртырга өйрәтү өчен балалар йортына сәфәр оештырырга тәкъдим итә. Укытучы вакыт җитте, дип саный – балалар инде үскәннәр һәм күп нәрсәне аңлыйлар. Активист ата-аналар һәм 30 укучы бергәләп балалар йорты карамагындагы балалар өчен бәйрәм программасын эшли. Процесс озак була, чөнки төрле балалар, шул исәптән инвалид, күрү һәм ишетү сәләте бозылган балалар өчен дә чаралар уйлап табарга кирәк була.

«Алар өчен бүләкләргә караганда игътибар һәм аралашу мөһимрәк иде. Бу тәҗрибә бездә дә, балаларда да гомерлек эз калдырды. Мөгаен, балалар аннан үзгәреп, олыгаеп кайтып киткәннәрдер. Интернатка бару безнең хәйрия эшчәнлегенә башлангыч бирде», – дип искә ала Эльвира Саматова. Киләсе елга бәйрәмне оештырып булмады, аннары пандемия башланды. Гаилә идеягә 2021 елда әйләнеп кайта, ләкин инде зуррак форматта.

Бәхетле очрак белән әңгәмәдәшнең сеңлесе Лиана Исрафилова улының иҗат түгәрәгендә Дәрвишләр интернат-йортыннан педагог белән таныша. Хатын-кыз ничектер бәйрәмнәрдә учреждение карамагындагыларга игътибар һәм уңай хис-кичерешләр кирәклеге турында әйтә. Монда үзенчәлекле, психик тайпылышлары булган балалар яши. «Аларның дөньяны кабул итүләре башка, һәм алар, үз яшьләренә карамастан, әле озак вакыт бала булып кала», – диде Эльвира.

Ул гади гаиләләрдәге балаларның Кыш Бабайга хат язу, ата-аналардан билгеле бер бүләк сорау мөмкинлеге барлыгын билгеләп үтте. Ә балалар йортында тәрбияләнүчеләргә ешрак бертөрле бүләкләр алып киләләр, шул ук вакытта аларның яшьләре, җенесләре һәм, әлбәттә, теләкләре төрле.

«Алар яши һәм үсә. Кемдер музыка, кемдер рәсем ясарга яки спорт ярата. Аларның да, теләсә кайсы бала кебек үк, үзләренең кадерле бүләген аласы килә. Апам миңа бу сөйләшү турында сөйләде, һәм мин: бәлки, шуны оештырып карарбыз?», –дидем, – дип өстәде Казанда яшәүче хатын.

Аның сүзләренә караганда, ул вакытта интернатта төрле яшьтәге һәм сәламәтлек торышы төрле булган 300 гә якын бала яшәгән. Апалы-сеңелле учреждение педагогыннан балаларның Кыш Бабайга хат язуларын сорыйлар. Моны үзе эшли алмаганнарга укытучылар ярдәм итә. Хатларны ноябрьдә үк тикшерә башлаганнар. Күп бүләкләр әзерләргә кирәк була, һәм тиздән апалы-сеңелле үз көчләре белән генә булдыра алмаячагын аңлыйлар. Бәйрәмнең үзен дә оештыру планлаштырылган була. Читтән ярдәм җәлеп итү өчен гаилә әгъзалары үзләренең социаль челтәрләрендә теләсә нинди ярдәм алу өмете белән постлар урнаштырырга карар кыла.

«Беләсезме, шулкадәр күңелле һәм көтелмәгән булды, без бик күп җаваплар алдык! Иң беренчеләре – балаларыбызның дусларыннан. Алар социаль челтәрләр аша безнең хәбәрләрне күрделәр һәм безгә кушылырга хәл иттеләр, – диде Эльвира. – Яшьләрнең ничек җавап биргәнен күргәч, күңелләр җылынып китте. Һәркем мөмкин булганча ярдәм итте. Безнең өйдә ишек ябылмаган һәм безгә бүләкләр алып килгән өч атнаны хәтерлим».

Кешеләр бүләкләрне төрүдә дә ярдәм иттеләр. Әлеге эш ике көнгә сузылды. Процесска барысы да җаваплы карады, без һәр баланың матур төргәктәге бүләкне ачуын теләдек.

«Аннары без төне буе Кыш бабайныкы кебек зур капчыклар тектек, һәр төркемгә бүләкләр салдык, күңел ачу программасы уйлап таптык. Дусларыбыз да кушылдылар – чын чанага җигелгән тере ат китерделәр. Ә без үзебез төрле персонажлар булып киендек», – дип искә ала хатын.

Чараны оештыручылар матур киемнәр киеп, бүләк тулы зур капчыклар күтәреп, чанага утырып, туп-туры балалар йорты территориясенә керделәр. Соңрак балаларны да бизәлгән чанада йөрттеләр.

«Балалар таң калдылар. Мин аларда шундый яктылык күрдем... һәм алар бертуктаусыз безнең янга киләләр, кочаклашалар иде. Без аннан илһамланып, планетада тагын 300 кешене бәхетле иттек дигән уй белән киттек. Яңа ел алдыннан үз кулларыбыз белән бу балалар өчен могҗиза тудыруыбыз куанычлы булды», – дип уртаклашты әңгәмәдәш.

Инде киләсе елда ук, узган тәҗрибәгә таянып, катнашучылар барлык хаталарны һәм җитешсезлекләрне исәпкә алдылар һәм эшкә оешканрак төстә якын килә алдылар. Бу чорда аларга 177 нче лицейның информатика укытучысы Константин Родионов кушылырга теләк белдерә. Гаилә аны белә иде инде, чөнки ул аларның балалары булган лагерьларның берсендә әйдәман иде. Ир-ат аның сыйныфы чараны әзерләүдә катнаша аламы дип кызыксынды. Тәкъдим шатланып кабул ителде. Матур традициягә укучылар гына түгел, аларның әти-әниләре дә кушылды. Алар бүгенге көндә дә ярдәм итәләр.

«Константинга зур рәхмәт җиткерәсе килә. Гомумән алганда, традиция чыннан да искиткеч, дип әйтер идем. Бу хәйриячелек кенә түгел, кешедә иң яхшы сыйфатлар – шәфкатьлелек, кызгану, мохтаҗларны кайгырту сәләте тәрбияләү», – дип ассызыклады хатын.

Игелекле эшләр сәламәт шәхес формалаштыруда, балаларның һәм гаиләнең әхлакый кыйммәтләрен ныгытуда ярдәм итә, дип өстәде ул. «Без Дәрвишләр интернат-йорты белән озак еллар хезмәттәшлек итәрбез һәм балаларга шатлык бүләк итәрбез дип өметләнәм», – дип сүзен йомгаклады Эльвира Саматова.

Шулай ук укыгыз

Барлык яңалыклар

Яңа ел бәйрәмнәре якынлашу белән могҗизалар көтү белән тулган үзенчәлекле атмосфера урнаша. Бу өметләр, хыяллар һәм, әлбәттә, игелекле эшләр вакыты. Кешеләр ел саен бу чорны таяныч һәм ярдәмгә мохтаҗлар өчен шатлыклы итү өчен берләшәләр. Алар якыннарына кайгырту һәм йөрәк җылысын бүләк итәләр. Хәйриячеләр гуманитар ярдәм үзәкләренә иганәләр бирәләр, өлкәннәр өчен хәйрия акцияләре үткәрәләр, ата-ана каравыннан мәхрүм калган балалар өчен бәйрәм кәефе тудыралар. Кечкенә адымнардан алып масштаблы гамәлләргә кадәр кешеләр әйләнә-тирәдәгеләрнең тормышына яктылык алып килергә омтыла. Яңа ел алдыннан казанлылар KZN.RU хәбәрчесенә аларның нинди яхшы Яңа ел традицияләре булуы турында сөйләделәр. <h3>Балалар өчен бәйрәмнәр оештыру һәм хәйрия акцияләрендә катнашу </h3> Казан блогеры Евгений Сергеев «Алдынгылар хәрәкәте» Бөтенроссия балалар һәм яшьләр берләшмәсе үткәрә торган хәйрия акцияләрендә катнаша. Берләшмә ел саен Яңа ел бәйрәмнәрендә үзләренең һөнәри бурычларын үтәүче кешеләрне – табибларны, янгын сүндерүчеләрне, полиция хезмәткәрләрен һәм башка белгечлек вәкилләрен котлый. Балалар беренче тапкыр 2022 елда уздырылган «Россия балалар Кыш бабае» акциясе кысаларында алар өчен яңа ел атмосферасы тудырырга ярдәм итәләр. Волонтерлар хезмәтчәннәргә үз куллары белән ясаган бүләкләр тапшыралар, шулай ук шигырьләр сөйлиләр һәм бәйрәм җырларын башкаралар. Һөнәр вәкилләре үз чиратында активистларны үз эшләре белән таныштыра, тематик экскурсияләр үткәрә. Җәмгыять файдасына эшчәнлеккә илһамны яшь кеше үз гаиләсендә ала. Күп еллар элек Сергеевларда «Балалар Яңа елын» бәйрәм итү традициясе барлыкка килә, ул яшь буынны һәм аларның дусларын берләштерә. Өлкәннәргә бәйрәм чарасын оештырырга иң башта блогерның олы апасы Анна ярдәм иткән. Ә хәзер егет үзе дә гомуми эшкә актив җәлеп ителгән. «Көндәлек мәшәкатьләр белән без тормыш турында сөйләшергә һәм могҗиза өчен урын табарга сирәк өлгерә идек. Нәкъ менә шуның өчен ата-аналарда шундый бәйрәм булдыру идеясе туды да инде», – дип билгеләде казанлы. Ел саен чараның программасы аерыла. Башта аның өчен Евгенийның әнисе Екатерина җаваплы булган: ул балалар рольләр башкарган күренешләр иҗат иткән. Алар әйлән-бәйлән уйныйлар, уеннарда һәм бәйгеләрдә катнашалар. Хәзер инде Анна һәм Евгений үзләре программа төзиләр, бу эштә аларга бәйрәмнең кечкенә катнашучылары ярдәм итә. Очрашулар вакытында алар шәһәр буйлап йөриләр, бергә яңа ел фильмнарын карыйлар, киләчәк турында хыялланалар. Кунакларга бүләкләр һәм татлы күчтәнәчләр бирелә. Бу очрашулар безгә эчкерсез хисләребез белән уртаклашырга һәм бер-беребезнең тормышын бераз бәхетлерәк итәргә ярдәм итә», – дип саный Евгений. <h3>Приютка ярдәм итү һәм өлкән яшьтәге кешеләргә бүләкләр ясау</h3> Рамилә Мөхәммәдиярова кешеләргә шатлык өләшергә һәм аларны кайгыртырга ярата. Казанда яшәүче хатын-кыз Борхан Шаһиди урамында урнашкан «Кеше приюты» ярдәм пунктына кием-салымны һәм азык-төлекне даими җибәрә. Хәйрия оешмасы аз керемле пенсионерларга, күп балалы гаиләләргә, инвалидларга, билгеле бер яшәү урыны булмаган кешеләргә, шулай ук авыр тормыш хәленә эләккән кешеләргә һәрьяклап ярдәм күрсәтә. Приютның берничә эш юнәлеше бар. Мәсәлән, ул мохтаҗ кешеләргә кайнар ризык, азык-төлек җыелмалары, кием-салым, төн кунарга урын, юридик, психологик һәм башка кирәкле ярдәм күрсәтә. «Мин хәйриячелек белән берничә ел элек шөгыльләнә башладым. Моңа минем эчке халәтем йогынты ясады. Ниндидер яхшылык эшләргә теләдем, ләкин нәрсә икәнен белмәдем. Азык-төлек сатып алдым да приютка алып киттем», – дип уртаклашты Рамилә Мөхәммәдиярова. Ул һәрвакыт «уң кулың нәрсә эшләгәнен сул кулың белмәсен» принцибын күз уңында тотуын өстәде. Инҗил хакыйкатенең мәгънәсе шунда: сәдаканы яшерен рәвештә эшләргә кирәк. Яңа ел алдыннан Рамилә алтын яшьтәге кешеләрне сөендерергә омтыла. Кыз шәһәрнең сәүдә үзәкләренең берсендә кондитер эшләнмәләре һәм икмәк пешерү бүлеге белән җитәкчелек итә. Бәйрәмгә биредә өлкәннәрдән Кыш бабайга хатлар язылган чыршы куялар. Рамилә һәм аның хезмәттәшләре өчен күркәм традиция булып пенсионерларның теләкләрен үтәү тора – һәркем берәр открытка ала һәм тиешле бүләк әзерли. Балалар хастаханәсендә бәйрәм рухы тудыру Дмитрий Сәлимов хәйрия өлкәсендә инде күптән. Казанлының Яңа ел традициясе – 18 нче балалар клиник хастаханәсендә бәйрәмнәр үткәрүдә актив катнашу. Тарих 14 ел элек балаларга ярдәм итү теләгеннән башланган. Ул вакытта Дмитрий ике яшьлек улы белән медицина учреждениесендә дәваланган булган. Ир-ат психоневрология бүлегендә төрле сәбәпләр аркасында ата-ана каравыннан мәхрүм калган балалар булуын күргән. «Әти кеше буларак, мин балаларны ничек ташларга, алардан ничек баш тартырга мөмкин икәнен аңлый алмадым. Аларга ярдәм итә алам дип уйладым», – диде әңгәмәдәш. Дмитрийның барлык башлангычларында аның хәйрия эшчәнлегенә кушылган дуслары хуплаган. Алар бергәләп 18 нче хастаханәдә башка бәйрәмнәрдә дә, мәсәлән, балаларны яклау көнендә дә чаралар үткәрәләр. Моннан тыш, фикердәшләр уртак тырышлык белән учреждениене төрле материаллар белән тәэмин итә. Дмитрий сөйләгәнчә, элегрәк алар обойлар китерүдә булышканнар, керү урыннарында видеокүзәтү, шулай ук электрон йозаклар урнаштырганнар. Вакыт-вакыт команда балаларга яңа әйберләр, шәхси гигиена чаралары, витаминнар китерә. Дмитрий Сәлимов – «МИР» инженерлык компаниясенә нигез салучы. Казанлы, мөмкинлекләренә карап, «Ярдәм» хәйрия фондына финанс ярдәме күрсәтә. Ә спорт клубларының берсендә коллектив тырышлыгы белән тулы ремонт ясалган. Балалар бушлай спорт белән шөгыльләнә алсын өчен залны торгызганнар һәм инвентарь сатып алганнар. Ул шулай ук команданың Татарстан республикасының атказанган тренеры Александр Даренков алып барган иҗтимагый эшчәнлектә катнашуын да өстәде. «Без башлаганда барысын да үз көчебез белән эшләдек. Хәзер төрле шәһәрләрдән, шул исәптән Мәскәү һәм Уфадан кешеләр ярдәм итә. Бу төрле һөнәр ияләре – төзүчеләр, бизнесменнар, чиновниклар», – дип билгеләде әңгәмәдәш. Команданың хәйрия эшчәнлегенә даими нигездә казанлылар Эдуард Манелов, Александр Липкин, Данил Хөснетдинов ярдәм итәләр. <h3>Яңа елны интернатта тәрбияләнүчеләр белән билгеләп үтү</h3> Мең ли юл беренче адымнан башлана, дигән кытай зирәклеге бар. Саматов – Исрафиловлар гаиләсе өчен Дәрвишләр интернат-йортына мәктәп сәфәре башлангыч нокта булып тора. Бертуган апалы-сеңелле кызларның, Эльвира белән Лиананың күркәм традициясе учреждениедә тәрбияләнүчеләргә могҗиза бүләк итү теләгеннән башлана. 2017 елда Саматовлар гаиләсенең олы кызы 131 нче лицейның чыгарылыш сыйныфында укый. Бервакыт ата-аналар җыелышында сыйныф җитәкчесе лицей укучыларына тормышның икенче ягын күрсәтү һәм аларны ярдәмгә мохтаҗлар турында кайгыртырга өйрәтү өчен балалар йортына сәфәр оештырырга тәкъдим итә. Укытучы вакыт җитте, дип саный – балалар инде үскәннәр һәм күп нәрсәне аңлыйлар. Активист ата-аналар һәм 30 укучы бергәләп балалар йорты карамагындагы балалар өчен бәйрәм программасын эшли. Процесс озак була, чөнки төрле балалар, шул исәптән инвалид, күрү һәм ишетү сәләте бозылган балалар өчен дә чаралар уйлап табарга кирәк була. «Алар өчен бүләкләргә караганда игътибар һәм аралашу мөһимрәк иде. Бу тәҗрибә бездә дә, балаларда да гомерлек эз калдырды. Мөгаен, балалар аннан үзгәреп, олыгаеп кайтып киткәннәрдер. Интернатка бару безнең хәйрия эшчәнлегенә башлангыч бирде», – дип искә ала Эльвира Саматова. Киләсе елга бәйрәмне оештырып булмады, аннары пандемия башланды. Гаилә идеягә 2021 елда әйләнеп кайта, ләкин инде зуррак форматта. Бәхетле очрак белән әңгәмәдәшнең сеңлесе Лиана Исрафилова улының иҗат түгәрәгендә Дәрвишләр интернат-йортыннан педагог белән таныша. Хатын-кыз ничектер бәйрәмнәрдә учреждение карамагындагыларга игътибар һәм уңай хис-кичерешләр кирәклеге турында әйтә. Монда үзенчәлекле, психик тайпылышлары булган балалар яши. «Аларның дөньяны кабул итүләре башка, һәм алар, үз яшьләренә карамастан, әле озак вакыт бала булып кала», – диде Эльвира. Ул гади гаиләләрдәге балаларның Кыш Бабайга хат язу, ата-аналардан билгеле бер бүләк сорау мөмкинлеге барлыгын билгеләп үтте. Ә балалар йортында тәрбияләнүчеләргә ешрак бертөрле бүләкләр алып киләләр, шул ук вакытта аларның яшьләре, җенесләре һәм, әлбәттә, теләкләре төрле. «Алар яши һәм үсә. Кемдер музыка, кемдер рәсем ясарга яки спорт ярата. Аларның да, теләсә кайсы бала кебек үк, үзләренең кадерле бүләген аласы килә. Апам миңа бу сөйләшү турында сөйләде, һәм мин: бәлки, шуны оештырып карарбыз?», –дидем, – дип өстәде Казанда яшәүче хатын. Аның сүзләренә караганда, ул вакытта интернатта төрле яшьтәге һәм сәламәтлек торышы төрле булган 300 гә якын бала яшәгән. Апалы-сеңелле учреждение педагогыннан балаларның Кыш Бабайга хат язуларын сорыйлар. Моны үзе эшли алмаганнарга укытучылар ярдәм итә. Хатларны ноябрьдә үк тикшерә башлаганнар. Күп бүләкләр әзерләргә кирәк була, һәм тиздән апалы-сеңелле үз көчләре белән генә булдыра алмаячагын аңлыйлар. Бәйрәмнең үзен дә оештыру планлаштырылган була. Читтән ярдәм җәлеп итү өчен гаилә әгъзалары үзләренең социаль челтәрләрендә теләсә нинди ярдәм алу өмете белән постлар урнаштырырга карар кыла. «Беләсезме, шулкадәр күңелле һәм көтелмәгән булды, без бик күп җаваплар алдык! Иң беренчеләре – балаларыбызның дусларыннан. Алар социаль челтәрләр аша безнең хәбәрләрне күрделәр һәм безгә кушылырга хәл иттеләр, – диде Эльвира. – Яшьләрнең ничек җавап биргәнен күргәч, күңелләр җылынып китте. Һәркем мөмкин булганча ярдәм итте. Безнең өйдә ишек ябылмаган һәм безгә бүләкләр алып килгән өч атнаны хәтерлим». Кешеләр бүләкләрне төрүдә дә ярдәм иттеләр. Әлеге эш ике көнгә сузылды. Процесска барысы да җаваплы карады, без һәр баланың матур төргәктәге бүләкне ачуын теләдек. «Аннары без төне буе Кыш бабайныкы кебек зур капчыклар тектек, һәр төркемгә бүләкләр салдык, күңел ачу программасы уйлап таптык. Дусларыбыз да кушылдылар – чын чанага җигелгән тере ат китерделәр. Ә без үзебез төрле персонажлар булып киендек», – дип искә ала хатын. Чараны оештыручылар матур киемнәр киеп, бүләк тулы зур капчыклар күтәреп, чанага утырып, туп-туры балалар йорты территориясенә керделәр. Соңрак балаларны да бизәлгән чанада йөрттеләр. «Балалар таң калдылар. Мин аларда шундый яктылык күрдем... һәм алар бертуктаусыз безнең янга киләләр, кочаклашалар иде. Без аннан илһамланып, планетада тагын 300 кешене бәхетле иттек дигән уй белән киттек. Яңа ел алдыннан үз кулларыбыз белән бу балалар өчен могҗиза тудыруыбыз куанычлы булды», – дип уртаклашты әңгәмәдәш. Инде киләсе елда ук, узган тәҗрибәгә таянып, катнашучылар барлык хаталарны һәм җитешсезлекләрне исәпкә алдылар һәм эшкә оешканрак төстә якын килә алдылар. Бу чорда аларга 177 нче лицейның информатика укытучысы Константин Родионов кушылырга теләк белдерә. Гаилә аны белә иде инде, чөнки ул аларның балалары булган лагерьларның берсендә әйдәман иде. Ир-ат аның сыйныфы чараны әзерләүдә катнаша аламы дип кызыксынды. Тәкъдим шатланып кабул ителде. Матур традициягә укучылар гына түгел, аларның әти-әниләре дә кушылды. Алар бүгенге көндә дә ярдәм итәләр. «Константинга зур рәхмәт җиткерәсе килә. Гомумән алганда, традиция чыннан да искиткеч, дип әйтер идем. Бу хәйриячелек кенә түгел, кешедә иң яхшы сыйфатлар – шәфкатьлелек, кызгану, мохтаҗларны кайгырту сәләте тәрбияләү», – дип ассызыклады хатын. Игелекле эшләр сәламәт шәхес формалаштыруда, балаларның һәм гаиләнең әхлакый кыйммәтләрен ныгытуда ярдәм итә, дип өстәде ул. «Без Дәрвишләр интернат-йорты белән озак еллар хезмәттәшлек итәрбез һәм балаларга шатлык бүләк итәрбез дип өметләнәм», – дип сүзен йомгаклады Эльвира Саматова.