Казан мәктәпләрендә калдыкларны аерым җыю буенча конкурс башланды

Казан мәктәпләрендә калдыкларны аерым җыю буенча конкурс башланды

<p> </p> <div class="detail-picture"> <img src="https://kzn.ru/upload/iblock/b7f/b7f50a39b20b1cd725a6360e18790392.jpg"> <p class="detail-picture__caption"> Фото: Денис Гордийко </p> </div> «Торак-коммуналь хуҗалык предприятиесе» ИК Казан мәктәпләре арасында калдыкларны аерым җыю буенча конкурс үткәрә. Әлеге максат белән шәһәрнең Совет районындагы 185 нче лицей, 184 нче һәм 175 нче гимназияләр территорияләрендә өчәр сары контейнер урнаштырылган. Аларда пластик, макулатура һәм металл калдырырга мөмкин. <p> </p> <p> Конкурска 15 нче апрельдә старт бирелгән, дүрт көн эчендә укучылар якынча 130 кг калдык җыйган. </p> <p> Чара – «Торак-коммуналь хуҗалык предприятиесе» ИКнең пилот проекты. Алга таба проект чикләрен киңәйтү һәм күбрәк мәктәпләрне колачлау планлаштырыла. </p> <p> «Балалар экологияне саклау проблемасының мөһимлеген аңлыйлар. Калдыкларны үзләре сортларга аера башлагач, алар моңа ата-аналарын да җәлеп итәләр», – диелә идарәче компания хәбәрендә. </p> <p> Исегезгә төшерәбез, казанлылар чүп-чарны эшкәртүгә көн саен тапшыра ала. Моның өчен Васильченко урамы, 6 адресы буенча «Җыю ноктасы» пункты ачылды. Мәйданчыкта 39 фракция кабул ителә. Шәһәрдә калдыкларны аерым җыюның ничек оештырылуы хакында махсус <a href="https://kzn.ru/prinyat-uchastie/proekty/razdelnyy-sbor/">бүлектә</a> укырга мөмкин. </p> <br>

2024-04-19T10:06:00+0300