Казанда яңа мәдәни үзәк барлыкка киләчәк

Ул Зәкиев урамы һәм Җиңү проспекты белән янәшә йортлар арасында урнашачак

Казанда яңа мәдәни үзәк төзеләчәк. Җир кишәрлеге Зәкиев урамы һәм Җиңү проспекты белән янәшә йортлар арасында урнашачак. Бу хакта бүген эшлекле дүшәмбедә Мәдәният идарәсе җитәкчесе Азат Абзалов хәбәр итте.

«Объект буенча проект документациясе әзер һәм Россия төзелеш министрлыгының федераль программасында катнашу өчен җибәрелгән», – дип хәбәр итте Азат Абзалов.

Яңа мәдәни үзәк уңайлы шартлар тудырачак һәм микрорайонда түгәрәк эшчәнлеген арттырачак.

Исегезгә төшерәбез, Казанда барлыгы 17 мәдәни үзәк бар. 2024 елда клуб берләшмәләре саны 33% ка арткан һәм 816 тәшкил иткән, даими нигездә 16 мең кеше шөгыльләнә.