Бүген Гавами урыннар ишегалдында «Мураками» төркеме чыгыш ясаячак

19:00 да концертка теләге булган һәркем килә ала

Татарстан башкаласында Яңа ел чаралары дәвам итә. Бүген, 28 декабрьдә, шәһәр халкы мастер-классларда бизәкләр ясый яки тәңкәләр тешерә, спектакльне рус ишарә теленә тәрҗемә белән карый яки «Мураками» төркеме чыгышын тыңлый ала.

11:00 дә Казан Кирмәненең Туп сараенда тимерче остаханәсе ачылачак. Теләгән һәркем акча яки дага ясый, тимерчелек һөнәренең нигезләрен белә алачак. Мәйданчык 15:00 сәгатьтә төгәлләнәчәк. Шулай ук Туп сараенда «Как Иван-Пушкарь Новый год спас» музыкаль-театральләштерелгән тамаша күрсәтәчәкләр. Башлана – 14:00 сәгатьтә.

Параллель рәвештә Казан Кирмәнендә урнашкан Гавами урыннар ишегалдында спектакль узачак. Монда тамашачылар «Әби сандыгы» клоунадасы жанрындагы куелышны күрәчәк. Ике сәгатьтән, 16:00 да, рус ишарә теленә тәрҗемә белән «Тылсымлы тимераяклар» спектакле узачак. 18:00 дә шәһәр халкына Кыш Бабай һәм Кар кызы катнашында «Үткәннәргә тәрәзә» интерактив куелышын тәкъдим итәчәкләр. Яңа ел алды кичәсе 19:00 сәгатьтә «Мураками» төркеме чыгышы белән тәмамланачак.

Нагорный бистәсендә яшәүчеләр чыршы шәһәрчеген ачуда катнаша ала. Яңа ел тамашасы 17:00 сәгатьтә «Нәни принц» скверында башлана. Барлык чараларга керү ирекле.

Исегезгә төшерәбез, KZN.RU порталында «Яңа ел» бүлеге ачылды. Биредә мәдәни программа, җәмәгать транспорты һәм медицина оешмалары эше турында мәгълүмат җыелган, хоккей тартмалары, шугалаклар һәм чаңгы трассалары адреслары, шулай ук пиротехника эшләтеп җибәрү өчен мәйданчыклар җыелган.

Шулай ук укыгыз

Барлык яңалыклар