Яңалыклар
27.06.2019, 10:10
«Игелекле дулкын» фестиваленең сайлап алу туры сентябрьгә күчерелгән
Бу - балаларның сәламәтләндерү лагерьларында булуына бәйле.
(Казан шәһәре KZN.RU, 27-нче июнь). Ата-аналар һәм катнашучыларның күпсанлы үтенечләре белән бәйле рәвештә «Игелекле дулкын» бөтенроссия балалар иҗаты мәдәни-хәйрия фестиваленең төбәк этабы сентябрьгә күчерелгән.
«Җәйге чорда күп кенә балаларның сәламәтләндерү лагерьларында булуы сәбәпле, ата-аналардан һәм опекуннардан гаризалар кабул итү вакытын күчерүне сораган хатлар килде, - дип аңлатты Мәдәният идарәсе башлыгы Азат Абзалов. - Без Игорь Крутойның Популяр музыка академиясе белән бергә балаларның үтенечләрен кабул итәргә булдык. Ни генә дисәк тә, безнең иҗат һәм талантлар бәйрәмендә алар төп урында тора».
Исегезгә төшерәбез, «Игелекле дулкын» да катнашу өчен заявка кампаниясе 7-нче июньдә фестивальнең рәсми сайтында старт алды, ул бөтен Россиядән кыен тормыш шартларында яшәүче талантлы балаларны берләштерә. Сәләтле балалар конкурсы Президент грантлары фонды, Татарстан Республикасы Хөкүмәте һәм «Игелекле Казан» хәйриячелекне үстерүгә ярдәм фонды ярдәмендә үткәрелә, ә оештыручылар - Игорь Крутой академиясе һәм Казан Мэриясе.
Шулай ук укыгыз
-
29.04.2025, 16:02 -
28.04.2025, 14:53 -
24.04.2025, 18:04 -
18.04.2025, 17:52
