«Казан мэриясе. Халык белән ачык диалог принциплары» практикасы «Хезмәт» бөтенроссия премиясенең топ-100 нә керде

Казанлылар проект өчен тавыш бирүдә 13 апрельгә кадәр катнаша ала

Шәһәр башкарма комитеты аппараты җитәкчесе Булат Алеев «Хезмәт» бөтенроссия премиясенең топ-100 нә керде. Аның тарафыннан тәкъдим ителгән «Казан мэриясе. Халык белән ачык диалог принциплары» практикасы эксперт комиссиясе тарафыннан югары бәяләнде һәм хәзер халык тавыш бирүендә катнаша.

Казанлылар иң яхшы проектларны, инициативаларны һәм идарә карарларын 13 апрельгә кадәр сайлый алалар. Моның өчен Дәүләт хезмәтләре порталында, аннары «Решаем вместе» битендә авторизацияләнергә кирәк. «Хезмәт» бөтенроссия муниципаль премиясе кысаларында халык тавыш бирүе» тавыш бирү бүлегенә күчәргә. Һәр номинациядә бер проектны сайларга була, дип хәбәр итә ВАРМСУ матбугат хезмәте.

«Хезмәт» премиясе җиңүчеләрен һәм лауреатларын бүләкләү тантанасы бу айда «Кече Ватан – Россия көче» бөтенроссия муниципаль форумында узачак. Бүләкне 30 финалист алачак.

Чараны Россия Федерациясе Президенты администрациясе ярдәме белән Бөтенроссия җирле үзидарә үсеше ассоциациясе (ВАРМСУ) оештыра.

Шулай ук укыгыз

Барлык яңалыклар