Киләсе атнада Казанда заманча «Ирекле формада» хореография кичәсе узачак

Киләсе атнада Казанда заманча «Ирекле формада» хореография кичәсе узачак

<p> Татарстан башкаласында яшәүчеләрне 24 июньдә «Ирекле формада» заманча хореография кичәсенә чакыралар. Г.Камал исемендәге театрның яңа бинасы янында амфитеатрда Казан биючеләре, шулай ук Мәскәүдән чакырылган кунак – SUSS төркеме чыгыш ясаячак. </p> <p> SUSS компаниясенең дүрт яшь биючесе, үз чыгышлары аша мөһим социаль сорауларга игътибар итә. «Аларның төп принцибы – биюнең иреге һәм табигыйлеге, ялгансыз бию», – дип сөйләделәр парклар һәм шәһәр скверлары дирекциясендә. </p> <p> Шулай ук программада Екатерина Дьяковадан, Елизавета Бронниковадан, Камилә Нургалиевадан Chimera перфомансы. Солтан Садриев һәм Ирина Фирсова «Билгесезлеккә адым», «Элегия» – Регина Хафизова, «Хтонь» – бәйсез «Мысли вслух» бию компаниясе чыгышын тәкъдим итәчәк,. </p> <p> Zlatovlaski дуэты тамашачылар алдында «Паразитлар» номеры белән чыгыш ясаячак, «Виктория» халык хореографик коллективы «Воск» хореографик куелышын, ә биюче Екатерина Синковец Sinki перфомансын тәкъдим итәчәк. </p> <p> «Ирекле формада» заманча хореография кичәсе кунакларын 19:00 дә көтәчәк. </p>

2025-06-18T15:34:23+0300