«Мәдәни чәршәмбе»: казанлылар өчен «Innuendo» кроссовер-оркестры чыгыш ясаячак

Концерт П.И.Чайковский исемендәге 1 нче балалар музыка мәктәбе ишегалдында узачак

Иртәгә, 20 августта, П.И.Чайковский исемендәге 1 нче балалар музыка мәктәбенең җәйге ишегалдында «Мәдәни чәршәмбе» проектының чираттагы музыкаль кичәсе узачак. Казанлылар өчен «Innuendo» кроссовер-оркестры чыгыш ясаячак.

Шәһәр халкы өчен музыкаль кичәдә балалар музыка мәктәпләре укытучылары оркестры, дирижер Марат Гыйльметдинов җитәкчелегендә, композицияләр башкарачак, дип хәбәр итә Казан башкарма комитетының Мәдәният идарәсе матбугат хезмәте.

Барлык теләүчеләрне П.И.Чайковский исемендәге 1 нче балалар музыка мәктәбенең җәйге ишегалдына чакыралар. Башлана – 17:00 сәгатьтә.

Чара «Татарстанда җәй» проекты кысаларында тормышка ашырыла.