Казанның Киров һәм Мәскәү районнары иң яхшы Яңа ел чарасы һәм бәйрәм бизәлеше буенча республика конкурсында җиңү яуладылар

Яңа ел алдыннан районнарда 12 чыршы шәһәрчеге ачылды, анда бәйрәм чаралары үткәрелде.

Фото: president.tatarstan.ru

(Казан шәһәре KZN.RU, 4 нче февраль). Казанда иң яхшы Яңа ел чарасы һәм бәйрәм бизәлеше өчен X республика конкурсына йомгак ясалды. Беренче урынны Казанның Киров һәм Мәскәү районнары администрациясе алды. Хакимият башлыгының беренче урынбасары Илсур Хисмәтуллинга бүләкне ТР Президенты Рөстәм Миңнеханов тапшырды. Чара бүген ТР Хөкүмәт Йортында узды.

Киров һәм Мәскәү районнары «Үзәк Яңа ел чыршысын иң яхшы бизәү һәм Яңа ел чаралары үткәрү» номинациясендә җиңделәр. Яңа ел алдыннан районнарда 12 чыршы шәһәрчеге ачылды, анда җирле коллективлардан иҗади номерлар белән чаралар үткәрелде. Бәйрәм мәйданчыкларының берсе Салават Күпере торак районы паркында оештырылды, биредә Яңа ел чыршысында утлар беренче тапкыр кабынды. Моннан тыш, районнарда йортларның фасадлары, урамнар һәм скверлар бизәлде, дип хәбәр ителә администрациянең Telegram-каналында.

Узган Яңа ел сезонында республика конкурсы 16 нчы декабрьдән 15 нче гыйнварга кадәр барды. Заявка компаниясе нәтиҗәләре буенча жюри 44 муниципаль районда һәм 35 авыл җирлегендә 94 эшне 10 номинация буенча бәяләде.

ТР Президенты матбугат хезмәте хәбәр иткәнчә, конкурс республикада инде 10 ел уздырыла. Бу вакыт эчендә 328 бүләк тапшырылды, шул исәптән 150 – муниципаль берәмлеккә, 148 – авыл җирлекләренә, 24 – Казанга, 6 – предприятиеләргә.

Фоторепортаж

Видеорепортаж

Шулай ук укыгыз

Барлык яңалыклар