1945 номерына шалтыратып, казанлылар Юрий Левитан тавышын ишетәчәк

Акция 15 майга кадәр дәвам итәчәк

15 майга кадәр Казан халкы Бөек Ватан сугышы елларына күчеп, Совет мәгълүмати бюросының яңалыклар хәбәрен «җиңү дикторы» – Юрий Левитан тавышы белән ишетергә мөмкин. Шәһәр халкына 1945 елда булган вакыйгалар турында сөйлиләр.

Катнашу өчен казанлыларга бушлай 1945 номерын җыярга, аннары 4 санын басарга кирәк. Акция Россия цифрлар министрлыгы ярдәмендә элемтә операторлары тарафыннан үткәрелә. Барлык сервислар да бушлай, дип хәбәр иттеләр Министрлыкның матбугат хезмәтендә.

Моннан тыш, сугыш еллары җырларын 2 санын басып тыңларга мөмкин. 1945 номеры буенча кәрәзле телефонга керүче чакыру кычкырулары урынына легендар композицияләрнең берсен кую мөмкинлеге бар: «Темная ночь», «Катюша», «Прощание славянки», «Синий платочек», «Нам нужна одна Победа».

Исегезгә төшерәбез, Юрий Левитан — СССР МС телевидение һәм радиотапшырулар буенча дәүләт комитетының Бөтенсоюз радиосы дикторы. СССРның халык артисты. Иосиф Сталин химаячелегеннән файдаланган СССР мәдәният эшлеклеләре санына кергән.

Шулай ук укыгыз

Барлык яңалыклар