Казанда яшәүче, тупланмаларны саклап калырга тырышып, мошенникларга 4,6 миллион сумнан артык акча тапшырган

Җинаятьчеләр үзләрен Россия куркынычсызлык хезмәте хезмәткәрләре дип таныштырган

Казанда яшәүче үзен Россия куркынычсызлык хезмәте хезмәткәрләре дип таныштырган мошенникларга 4 млн 630 мең сум акча тапшырган. Бүгенге көндә шәхесләрне ачыклау һәм җинаятьчеләрне тоткарлау буенча чаралар үткәрелә.

76 яшьлек зыян күрүче сөйләгәнчә, берничә көн дәвамында аңа таныш булмаган кешеләрдән шалтыратулар килгән. Россия Куркынычсызлык хезмәтенең «хезмәткәрләре» пенсионерны аның тупланмалары санкцияләнмәгән төшерү куркынычы астында дип ышандырган.

Акчаларын югалтмас өчен ир-ат аларны «ышанычлы» кешеләргә бирергә карар кылган. Җинаятьчеләрнең күрсәтмәләре буенча, пенсионер ике көн дәвамында тупланмаларны таныш булмаган ир-атка һәм хатын-кызга тапшырган. Нәтиҗәдә гомуми зыян 4 млн 630 мең сум тәшкил иткән.

Полиция хезмәткәрләре мошенникларның Татарстанда һәм Новосибирск өлкәсендә теркәлгән дүрт абонент номерыннан шалтыратуларын ачыклаган.

Гражданнарга таныш булмаган затлардан килгән мәгълүматны яңадан тикшерергә кирәк, дип кисәттеләр Россия Эчке эшләр министрлыгының Казан буенча идарәсе матбугат хезмәтендә. Билгесезләр тәкъдим иткән нинди дә булса гамәлләр кылганчы, якыннарыгыз белән киңәшләшү яхшырак.

Шулай ук укыгыз

Барлык яңалыклар