Бүген Казанның кары чистартылачак муниципаль парковкалар исемлеген бастырабыз

Шәһәр администрациясе алдан ук машина йөртүчеләрдән күрсәтелгән участоклардан транспорт чараларын күчереп куюларын үтенә

Марат Мөгыйнов фотосы

Казанда 29 гыйнвардан 30 гыйнварга каршы төндә муниципаль парковкаларда кар чистарту эшләре дәвам итә. Җыештыру чаралары, автомобиль йөртүчеләргә комачау итмәсен өчен, төнлә этаплап башкарыла. Шуңа бәйле рәвештә машина йөртүчеләрдән күрсәтелгән участоклардан транспорт чараларын алдан ук күчереп куюларын сорыйлар, дип хәбәр итә Казанның Тышкы төзекләндерү комитеты.

21:00 сәгатьтән 23:00 сәгатькә кадәр кар чистарту техникасы Яруллин урамындагы 128 номерлы түләүле парковкада эшләячәк.

21:00 сәгатьтән 5:00 сәгатькә кадәр карны Короленко урамындагы 193 номерлы, Әпсәләмов урамындагы 147 номерлы, Нигъматуллин урамындагы 169 номерлы парковкаларда җыеп алачаклар.

21:00 сәгатьтән 6:00 сәгатькә кадәр кар түбәндәге адреслар буенча урнашкан парковкаларда чистартылачак:

Пушкин урамы, урамның так ягы, Профессор Нужин урамы белән кисешкән урыннан Профсоюз урамы белән кисешкән урынга кадәр;

Пушкин урамы, урамның җөп ягы, Большая Красная урамы белән кисешкән урыннан Бассейн урамы белән кисешкән урынга кадәр;

Петербург урамы, урамның ике ягы, Туфан Миңнуллин урамы белән кисешкән урыннан Артем Айдинов урамы белән кисешкән урынга кадәр;

Ирек мәйданы, Карл Маркс урамында, Пушкин урамы белән кисешкән урыннан Театр урамы белән кисешкән урынга кадәр;

Николай Столбов урамы, урамның ике ягы, Париж Коммунасы урамы белән кисешкән урыннан Галиәсгар Камал урамы белән кисешкән урынга кадәр;

Театр урамы, урамның ике ягы, Дзержинский урамы белән кисешкән урыннан Большая Красная урамы белән кисешкән урынга кадәр;

Товарищеская урамы, урамның җөп ягы, Лейтенант Шмидт урамы белән кисешкән урыннан Әмирхан Еники урамында урнашкан 23 номерлы йортка кадәр;

Университет урамы, урамның ике ягы, Уң як Болак урамы белән кисешкән урыннан Профсоюз урамы белән кисешкән урынга кадәр;

Чернышевский урамы, Сул як Болак урамында урнашкан 24/20 номерлы йорт янындагы территория;

Чернышевский урамы, урамның так ягы, Мәскәү урамы белән кисешкән урыннан Сул як Болак урамы белән кисешкән урынга кадәр.

Шәһәр халкына сәфәрләрне һәм автомобиль чараларын парковкага кую мәсьәләсен хәл иткәндә, махсус техниканың эш графигын исәпкә алырга киңәш итәләр.

Исегезгә төшерәбез, «Шәһәр парковкалары» кушымтасын кулланучыларның барысы да парковка урыннарын җыештыру графигы белән даими танышып бара ала. Шәһәр администрациясе башкала халкыннан бу хакта мәгълүмат алу өчен пуш-хәбәрнамәне кабызуларын сорый.

Казанлылар юлларның һәм тротуарларның торышы турындагы хәбәрләрне @kznhelpbot телеграм-ботына юллый яисә +7(843)222-72-22 телефон номерына шалтыратып җиткерә ала.

Шулай ук укыгыз

Барлык яңалыклар