Кәрәзле элемтә шартнамәсен озайтырга теләп, Казанда яшәүче хатын 400 мең сумнан мәхрүм ителгән

Кызга мобиль элемтә, «Дәүләт хезмәтләре» ярдәм хезмәте һәм банк «вәкилләре» шалтыраткан

Казанда яшәүче хатын-кыз кәрәзле элемтә килешүен озайтырга тырышып, 400 мең сумнан мәхрүм калган. Әлеге факт буенча җинаять эше кузгатылган.

Мессенджердагы таныш булмаган номерга җавап биреп, кыз янәсе элемтә хезмәтләре күрсәтүгә килешүнең гамәлдә булу вакыты ахырына якынлашуын белгән. Хезмәт күрсәтүне озайту өчен, ир-ат хәбәрдә алынган кодны әйтеп торуны сораган.

Ярты сәгатьтән соң яшәүчегә «Дәүдәт хезмәтләре» ярдәм хезмәте «вәкиле» шалтыраткан һәм аның шәхси кабинеты ватылган, дип хәбәр иткән. Акчаларны саклау өчен банкның «белгеченә» шалтыратырга кирәк булган, һәм хатын-кыз шулай эшләгән.

Банк «хезмәткәре» хәбәр иткәнчә, билгесез кешеләр кыз исеменә кредитлар рәсмиләштерергә тырышкан, ләкин барлык омтылышлар да биккә куелган. Әмма саклык акчалары әле куркыныч астында булуы аркасынды аларны «имин хисап язмасыларына» күчерергә кирәк булган. Шалтыратучыга ышанып, кыз 260 мең шәхси акчасын күчергән, ә калган сумманы кредитка алган. Алдакчылар корбаны булуын аңлап, зыян күрүче полициягә мөрәҗәгать иткән.

Россия Эчке эшләр министрлыгының Казан буенча идарәсе хезмәткәрләре, шәһәр халкын уяу булырга, финанс куркынычсызлыгы кагыйдәләрен үтәргә сорый.

Шулай ук укыгыз

Барлык яңалыклар