«Вконтакте»ның туры эфирында казанлылар күп фатирлы йортларны капиталь ремонтлау программасы турында беләчәкләр

Халыкның сорауларына торак-коммуналь хуҗалык һәм гражданнарны яклау мәсьәләләрен алып баручы шәһәр Башкарма комитеты җитәкчесе урынбасары Искәндәр Гыйниятуллин җавап бирәчәк.

Фото: Денис Гордийко

(Казан шәһәре KZN.RU, 13 нче апрель). 14 нче апрельдә Казан Мэриясенең «Вконтакте» социаль челтәрендәге рәсми аккаунтында күп фатирлы йортларны капиталь ремонтлау программасына багышланган туры эфир булачак. Халыкның сорауларына торак-коммуналь хуҗалык һәм гражданнарны яклау мәсьәләләрен алып баручы шәһәр Башкарма комитеты җитәкчесе урынбасары Искәндәр Гыйниятуллин җавап бирәчәк.

Туры эфир 15:00 сәгатьтә башлана. Үз сорауларыгызны хәзер үк Мэриянең «Вконтакте» группасына һәм Telegram-каналына җибәрергә, шулай туры эфир барышында бирергә мөмкин.

Моңарчы KZN.RU порталы 2022 елда Казанда капиталь ремонт программасы буенча 166 йорт ремонтланачак, шуларның 29 ында комплекслы эшләр – түбәләрне, фасадларны, үзәк җылыту, салкын һәм кайнар су белән тәэмин итү, су агызып җибәрү, электр белән тәэмин итү системаларын ремонтлау һәм лифтларны алыштыру башкарылачак дип хәбәр итте. Финанслауның гомуми күләме 2,44 млрд сум тәшкил итте. Программаны гамәлгә ашыра башлаганнан бирле Татарстан башкаласында 3596 торак йорт ремонтланган, бу күп фатирлы торак фондның гомуми санының 62% ын тәшкил итә. Казан Россиядә торакка капиталь ремонт ясауның күләме һәм сыйфаты буенча лидерлар рәтендә.

Шулай ук укыгыз

Барлык яңалыклар