Казанның социаль сферага караган 470-тән артык объекты җылылык белән тәэмин ителгән

Мәктәпләрдә, балалар бакчаларында һәм дәвалау учреждениеләрендә җылылык вакытыннан алда җибәрелгән.

Фото: Марат Мугинов

(Казан шәһәре KZN.RU, 21-нче сентябрь). Казанның мәгариф һәм сәламәтлек саклау учреждениеләрендә җылылык вакытыннан алда җибәрелә башлады. Хәзерге вакытта 470-тән артык объектта җылылык бирелгән, бу гомуми күләмнең 57%-ын тәшкил итә. Балалар бакчаларын, мәктәпләрне һәм дәвалау учреждениеләрен тоташтыру килгән гаризалар буенча даими режимда алып барыла.

Казанның Торак-коммуналь хуҗалык комитетында хәбәр итүләренчә, бүгенге көндә 137 мәктәп (планның 68 проценты), 295 балалар бакчасы (80%), 26 сәламәтлек саклау объекты (22%) җылытыла. 2020-2021 еллардагы җылылык бирү чорының рәсми старты 21-нче сентябрьдән башланды. Шул мизгелдән барлык объектларга, шул исәптән күпфатирлы торак йортларга да җылылык бирү башланачак. Шунысын да билгеләп үтәргә кирәк, җылылык системаларын эш режимына күчерүгә ике атнага кадәр вакыт бирелә - бу вакытта җылылык белән тәэмин итүне көйләү һәм җайлау эшләре башкарылачак. Җылылык җибәрү чорында Казан Башкарма комитетының Торак-коммуналь хуҗалык комитетында кайнар линия телефоннары эшләячәк. Шулай ук халык «Ачык Казан» системасына гариза бирә яки район торак-коммуналь хуҗалык бүлекләренә мөрәҗәгать итә алачак.

Хәзерге вакытта барлык алты эре җылылык белән тәэмин итү чыганагы, шул исәптән ТЭЦ-1, ТЭЦ-2 һәм ТЭЦ-3, квартал җылылык бирү станцияләренең «Савиново», «Горки», «Азино» эре район котельныйлары, шулай ук «Казэнерго» акционерлык җәмгыятенең 135 котельные һәм 50 ведомство котельные алдагы кышкы сезонга әзер.

Исегезгә төшерәбез, быел гамәлдәге чикләүләр аркасында планлы эшләр һәм челтәрләрне опрессовкалау графикларына төзәтмәләр кертелде. Кышкы сезонга әзерлек барышында 50-1200 мм диаметрлы 1,9 мең чакрым озынлыктагы магистраль һәм квартал эчендәге җылылык челтәрләренә ревизия, юдырту һәм пресслау үткәрелде. Капиталь төзекләндерү программасы кысаларында 37 чакрым торба үткәргечләр алыштырылды һәм реконструкцияләнде. Шәһәрнең җылылык челтәре хуҗалыгының җылылык йөкләнешләренә әзерлеген раслаган җылылык челтәрләренә финиш пресславы үткәрелде.

Торак-коммуналь хуҗалык комитетында җылылык бирү мәсьәләләре буенча кайнар линия 21-нче сентябрьдән эшли башлаячак. Кайнар линия телефоннары номерлары: +7(843)590-96-22, 590-96-23.

Җылылык җибәрү мәсьәләләре буенча шулай ук «Ачык Казан» системасына +7(843)236-41-23, шулай ук район хакимиятләренә түбәндәге телефоннар буенча мөрәҗәгать итәргә мөмкин:

Авиатөзелеш һәм Яңа Савин районнары +7(843)520-75-39;

Вахитов һәм Идел буе районнары +7(843)264-30-96;

Киров һәм Мәскәү районнары +7(843)557-76-10;

Совет районы +7(843)272-01-05, 272-75-70, 272-16-23, 272-00-65;

«Иске шәһәр» префектурасы+7(843)221-49-99.