Казанда кайбер маршрутлар буенча җәмәгать транспорты хәрәкәте схемасы үзгәрде

Бу Достоевский урамындагы җир эшләре белән бәйле

Татарстан башкаласында вакытлыча кайбер маршрутлар буенча җәмәгать транспорты хәрәкәте схемасы үзгәрде. Бу Достоевский урамындагы җир эшләре белән бәйле.

22 һәм 89 нчы номерлы автобуслар Чехов базары, Мир кинотеатры, Вишневский тукталышлары яныннан узачак һәм К.Маркс урамыннан Ершов, Зинин, Достоевский урамнары буйлап һәм алга таба маршрут буенча барачак;

30 нчы номерлы автобус Чехов базары, Мир кинотеатры, Вишневский тукталышларын төшереп калдырып, Карл Маркс, Зинин, Достоевский урамнарын узып китеп, алга таба маршрут буенча барачак;

54 нче номерлы автобус Чехов базарына, Мир кинотеатрына һәм Л.Шмидт урамына кермичә йөриячәк;

71 нче номерлы автобус Бутлеров, Толстой, Волков, Мир кинотеатры, лейтенант Шмидт тукталышлары яныннан узачак һәм Тукай мәйданыннан Пушкин, Горький, Карл Маркс урамнары буйлап һәм алга таба маршрут буенча барачак;

90 нчы номерлы автобус Бутлеров, Толстой, Волков, Мир кинотеатры, Вишневский тукталышларын узып китеп, Тукай мәйданыннан Пушкин, Горький, Карл Маркс, Зинин, Достоевский урамнары буйлап һәм алга таба маршрут буенча барачак.

Исегезгә төшерәбез, «Россия – ислам дөньясы» икътисади форумын уздыру уңаеннан Казанда өстәмә шәһәр яны поездлары җибәреләчәк, алар Казан белән аэропортны тоташтырачак.

Шулай ук укыгыз

Барлык яңалыклар