Татарстанда алдагы көннәрдә җылы, явым-төшемсез һава торышы сакланачак

Татарстанда алдагы көннәрдә җылы, явым-төшемсез һава торышы сакланачак

<p> Татарстан башкаласында алдагы көннәрдә җылы һәм күбесенчә коры һава торышы сакланачак. Бүген төнлә һәм иртәгә иртән температура +9..+14 градус, ә көндез +24 градустан + 29 градуска кадәр җылы булачак. </p> <p> Иртәгә, 15 июльдә, Казанда явым-төшемсез булачак. Төнлә термометр баганалары +12 дән +14 градуска кадәр күрсәтәчәк. Көндез температура +25..+27 градуска кадәр күтәреләчәк. Җил төньяктан, төньяк-көнбатыштан, тизлеге секундына 3-8 метр булачак. </p> <p> 16 һәм 17 июль төннәрендә республикада һава температурасы +8..+13 градуска кадәр төшәчәк. Көндез синоптиклар +21..+27 градустан югары булмас, дип фаразлый. </p> <p> ТР Гидрометүзәгенең фаразлары буенча, җомга һәм ял көннәрендә шундый ук уртача-җылы һава торышы сакланачак, явым-төшем ихтималы зур түгел. </p>

2025-07-14T17:29:11+0300