Яңалыклар
18.03.2019, 11:56
2019 елда Казанда 14 яшүсмерләр клубына капиталь ремонт ясалачак
5 ел эчендә Татарстан башкаласында 26 өстәмә белем бирү учреждениесен яңарттылар.
(Казан шәһәре KZN.RU, 18-нче март, Ксения Швецова). Казанда бу елга капиталь төзекләндерү программасына 14 яшүсмерләр клубы керде, бу максатларга 43,05 млн сум җибәрү планлаштырыла. Подрядчы сайлау буенча аукцион март ахырында узачак. Бу хакта бүген эшлекле дүшәмбе киңәшмәсендә шәһәрнең ТКХ комитеты рәисе Дмитрий Анисимов хәбәр итте.
Республика бюджетыннан финанслау аркасында 2013 елдан 2018 елга кадәр Казанда 26 яшүсмерләр клубы ремонтланган, бу капиталь төзекләндерүгә мохтаҗ яшүсмер клублары саныннан 46% тәшкил итә, дип искәртте Д.Анисимов. "Әлеге программаны гамәлгә ашыруны исәпкә алып, быел Казанда 57 клубның 40-ы яңартылачак, бу шәһәр яшүсмерләр клубларының 70% тәшкил итә", - диде ул.
Исегезгә төшерәбез, яшүсмерләр клубларын капиталь төзекләндерү программасын финанслауның гомуми күләме 2013 елдан 170,2 млн. сум тәшкил иткән.
Фоторепортаж
Эшлекле дүшәмбе, 18.03.2019
Видеорепортаж
18.03.2019
10:38
2019 елда 234 күпкатлы йортта капиталь төзекләндерү эшләре башкарылачак
Шулай ук укыгыз
-
28.04.2025, 15:28 -
28.04.2025, 14:28 -
28.04.2025, 12:14 -
22.04.2025, 11:22
