Бер тәүлек эчендә Казан урамнарыннан кар җыю эшенә комачаулый торган 48 автомобильне эвакуацияләгәннәр

Бер тәүлек эчендә Казан урамнарыннан кар җыю эшенә комачаулый торган 48 автомобильне эвакуацияләгәннәр

<div class="detail-picture"> <img src="https://kzn.ru/upload/iblock/5f2/5f28a6e6a5445066e6dc5d56be33466a.jpg"> <p class="detail-picture__caption"> Денис Гордийко фотосы<br> </p> </div> <div> <p> Узган тәүлектә Казан урамнарыннан 48 автомобиль махсус стоянкаларга озатылган. Тиешсез урынга куеп калдырылган транспорт чаралары «Буран» планы кысаларында шәһәрне чистарта торган техника эшенә комачаулаган. </p> <p> Транспорт комитеты ассызыклап әйткәнчә, ташландык машиналар кар чистарту эшен шактый акрынайта: техника полосаны тулысынча иңләп уза алмый. Нәтиҗәдә, юл өлешләре җыештырылмыйча, кар астында кала, әлеге күренеш машина йөртүчеләр һәм җәяүлеләр өчен куркыныч тудыра. </p> <p> Автомобиль йөртүчеләрдән, коммуналь хезмәтләр эшенә каршылык тудырмау өчен, юл билгеләренә игътибарлы булулары, транспорт чараларын тыю күрсәткечләре куелган урыннарда калдырмаулары һәм машиналарын мөмкин булганча алдан күчереп куюлары сорала. </p> <p> Исегезгә төшерәбез, җомга көнне кич белән шәһәрдә «Буран» планы гамәлгә кертелде. Кичә Казан урамнарын җыештыру өчен рекорд сандагы 1353 берәмлек махсус техника <a target="_blank" href="https://kzn.ru/meriya/press-tsentr/novosti/v-minuvshie-sutki-dlya-uborki-ulits-kazani-privlekli-rekordnye-1353-edinits-spetstekhniki/?lang=ta">җәлеп ителгән</a>. </p> <p> Казанлылар юлларның һәм тротуарларның торышы турындагы хәбәрләрне @kznhelpbot телеграм-ботына юллый яисә +7(843)222-72-22 телефон номерына шалтыратып җиткерә ала. </p> <p>   </p> </div> <br>

2026-02-01T11:08:08+0300