Казанлылар белән 2024 елга ишегалларын төзекләндерү программасы турында фикер алышачаклар

Шәһәр халкы ремонт эшләрен уздыру планына үз өстәмәләрен кертә алачак

Фото: Денис Гордийко

(Казан шәһәре KZN.RU, 19 нчы сентябрь). Казанда халык белән җыелышлар башлана, анда 2024 елда «Безнең ишегалды» программасы буенча йорт яны территорияләрен төзекләндерү турында фикер алышалар. Моңа кадәр топ-200 ишегалды халык тавыш бирүе нәтиҗәләре буенча билгеләнгән иде. Экспертлар шәһәр халкына эшләр уздыруның беренчел схемасын тәкъдим итәчәкләр, шулай ук программаның принциплары, мәҗбүри эш төрләре һәм аларны гамәлгә ашыру сроклары турында сөйлиячәкләр. Планнарга үз өстәмәләрен кертергә мөмкин булачак.

Җыелышларны үткәрү графигы:

19 нчы сентябрьдә 18:00 сәгатьтә – Мир ур., 8;

19 нчы сентябрьдә 19:30 сәгатьтә – Рихард Зорге ур., 39;

20 нче сентябрьдә 18:00 сәгатьтә – Дубравная ур., 5;

20 нче сентябрьдә 19:00 сәгатьтә – Дубравная ур., 25а;

21 нче сентябрьдә 19:00 сәгатьтә – Павлюхин урамы, 110 һәм 110а.

Оештыручылар территорияне алдан ук күршеләр белән бергәләшеп узарга һәм барлык җитешсезлекләрне билгеләп үтәргә тәкъдим итә, мәсәлән: яктырту белән бәйле проблемалар, юлларның, тротуарларның, парковкаларның уңайсыз булуы һәм башкалар. Күршеләр белән проблемалы мәсьәләләрне хәл итү мөмкинлеге турында алдан фикер алышырга кирәк. 2/3 кеше аңа риза булса, ишегалды планы эшкә кабул ителәчәк. Җыелыштан соң да, эш башланганчы да тәкъдимнәр кертергә мөмкин. Аларны «Безнең ишегалды» проектының социаль челтәрләрендә шәхси хәбәр белән, идарәче оешма яисә 7(800)275-20-20 телефоны буенча кайнар линия аша җибәрергә була.

Шулай ук укыгыз

Барлык яңалыклар