Казанда 23 майдан 25 майга кадәр үзмәшгульләр ярминкәсе узачак

Казанда 23 майдан 25 майга кадәр үзмәшгульләр ярминкәсе узачак

<p> Казанның Бауман урамында 23-25 май көннәрендә үзмәшгульләр ярминкәсе узачак. Җиһазландырылган түләүсез сәүдә урыннарында бөтен республика эшмәкәрләре ярминкә кунакларына үз продукцияләрен һәм хезмәтләрен тәкъдим итәчәк. </p> <p> Катнашуга гаризаны <a target="_blank" href="https://мсп.рф/services/support/tatarstan/88/">онлайн</a> калдырырга мөмкин. Чараны «Нәтиҗәле һәм конкурентлы икътисад» милли проекты кысаларында ТР икътисад министрлыгы ярдәмендә «Минем бизнес» үзәге оештыра. </p> <p> Бүгенге көндә Татарстанда 390 меңгә якын үзмәшгуль. Махсус салым режимы кертелгәннән бирле Татарстанның үзмәшгуль халкы 230 млрд сумга якын акча эшләгән, ә түләнгән салымнарның гомуми суммасы 8,3 млрд сум тәшкил иткән. </p> <p> Үзмәшгульләр арасында иң киң таралган эшчәнлек төрләре – ремонт һәм төзелеш. Шулай ук транспорт һәм мәгълүмат хезмәтләре, маркетинг, йөк ташу, үз продукцияңне җитештерү, фатирларны арендага бирү, IT-өлкә һәм башка юнәлешләргә ихтыяҗ бар. </p>

2025-05-20T16:10:59+0300