Рөстәм Гафаров ике мәдәни мирас объектын капиталь ремонтлау барышын тикшерде

Рөстәм Гафаров ике мәдәни мирас объектын капиталь ремонтлау барышын тикшерде

<p> </p> <div class="detail-picture"> <img src="https://kzn.ru/upload/iblock/0a9/0a94f6755912b930b958111ccc08a406.jpg"> <p class="detail-picture__caption"> Фото: Денис Гордийко  </p> </div> <p> (Казан шәһәре KZN.RU, 30 нчы март, Диана Жиленкова). Быел Казанның Вахитов районында ике мәдәни мирас объекты – Большая Красная, 29а урамындагы «Миру – мир» йорты, һәм Карл Маркс, 23/6 урамындагы Чекистлар йорты ремонтланачак. Бүген шәһәр Башкарма комитеты җитәкчесе Рөстәм Гафаров республика бюджетыннан финанслана торган ремонт эшләренең барышын тикшерде. </p> <h3> «Миру-мир» йортында түбә һәм фасад капиталь ремонтланачак </h3> <p> Азатлык мәйданындагы йорт 1952 елда «Радиоприбор» заводы һәм 22 нче номерлы авиация заводы эшчеләре өчен төзелгән. «Миру – мир» лозунгы бина түбәсенә 2013 елда кире кайтарылган. Хәзер биш катлы бинада 3,2 мең кв.м артык мәйданда 36 фатир исәпләнә. Эшләрнең заказчысы – ТР Баш инвестицион-төзелеш идарәсе, генераль подрядчы – «Татлизинг» ТР ДУП.  </p> <p> Узган елларда йортта капиталь ремонт программасы буенча салкын һәм кайнар су белән тәэмин итү, электр һәм җылылык белән тәэмин итү, су чыгару системалары ремонтланган, даими рәвештә йорт яны территориясен төзекләндерү үткәрелгән. Быел капиталь ремонт кысаларында йортның фасады, түбәсе һәм чорма түшәмәсе ремонтланачак. Эшләрнең бәясе 20,6 млн сум тәшкил итәчәк.  </p> <p> <img width="522" src="https://kzn.ru/upload/iblock/223/223c54d39fc549ca98f5873a09c82789.jpg" height="392" class="img-left"> Рөстәм Гафаров йорт яны территориясен карап чыкты, бина фасадының хәзерге торышын бәяләде һәм чормага менде. ТР Баш инвестицион-төзелеш идарәсенең үзәк территориаль бүлеге баш белгече Линар Ганалиев сөйләвенчә, түбә япмасын алмаштыру 85-87% ка башкарылган. Түбә контуры тулысынча ясап бетергәч, белгечләр чормадагы эшләргә керешәчәк. Җылылык чорма астындагы киңлеккә китмәсен өчен, баскыч клеткалары һәм түшәмә үзе җылытылачак. Шулай ук вентиляция шахталарын металл белән тышлау үткәреләчәк, улаклар һәм түбә кыеклары урнаштырылачак. Эшләр көндез, йортта яшәүчеләр белән килешенгән график буенча алып барыла, дип ассызыклады ТР Баш инвестицион-төзелеш идарәсе белгече.  </p> <p> Башкарма комитет җитәкчесе капиталь ремонтны вакытында – июнь азагына тәмамлау өчен эшне көчәйтергә кушты. Ул шулай ук ассызыклаганча, барысын да сыйфатлы итеп башкару мөһим, чөнки йорт мәдәни мирас объекты булып тора.  </p> <h3> Чекистлар йортында ремонт-реставрация эшләрен ноябрьдә тәмамларга планлаштыралар </h3> <p> Ремонт-реставрация эшләре шулай ук 1936 елда төзелгән Чекистлар йортында уза. Биш катлы бинада, гомуми мәйданы 6,7 мең кв.м. 72 фатир исәпләнә. Эшчеләргә түбә, фасад, инженерлык челтәрләрен яңартырга һәм башка эшләрне башкарырга кирәк. Капиталь ремонт үткәрүгә 98 млн сум акча бүлеп бирелгән. Эшләрнең заказчысы – «Главстрой РТ», подрядчысы – «Ремонтстройсервис» ҖЧҖ.  </p> <p> <img width="522" src="https://kzn.ru/upload/iblock/63b/63b07ba76b14f28fc19070fb29911592.jpg" height="392" class="img-right"> «Фасадка кердек, инде басмалар куелган. Подъездларда демонтаж эшләре беткән, штукатур эшләре 80% ка тәмамланган, 27 су белән тәэмин итү стоягының 12 се һәм 31 канализация стоягының 12 се алыштырылган. Параллель рәвештә электр һәм аз токлы системалар өчен трассалар салабыз. Инженерлык челтәрләре, электр, су белән тәэмин итү, канализация, фасад һәм түбә тулысынча алыштырылачак», – дип сөйләде «Шәһәр төзелеше технологияләре» ҖЧҖ проекты җитәкчесе Фәнис Сәгъдиев. Рөстәм Гафаров йортның бер подъездын карап чыкты һәм анда яшәүчеләр белән аралашты.  </p> <p> Проект дәүләт тарихи-мәдәни экспертизасын узды һәм ТР Мәдәни мирас объектларын саклау комитеты белән килештерелде. Ремонт эшләрен агымдагы елның ноябрендә тәмамлау планлаштырыла.  </p> <p> Күчмә киңәшмәдә Башкарма комитет җитәкчесе урынбасары Искәндәр Гыйниятуллин, Вахитов һәм Идел буе районнары администрациясе башлыгының беренче урынбасары Айрат Әхмәдуллин, Тышкы төзекләндерү комитеты рәисе Игорь Сәлахетдинов, ТКХ комитеты рәисе Василий Лысачкин һәм башкалар катнашты.  </p> <p> Исегезгә төшерәбез, ике мәдәни мирас объектыннан тыш, Казанда быелгы программага кертелгән 223 күп фатирлы йортка да капиталь ремонт ясалачак. Торак объектлар исемлеге узган елда акчаны экономияләү хисабына киңәйтелгән. Капиталь ремонт программасы буенча эшләрнең гомуми бәясе 2,5 млрд сум дип бәяләнә. </p>

2023-03-30T14:51:00+0300