Казанда Петропавлов соборының манарасын реставрацияләү төгәлләнде

Казанда Петропавлов соборының манарасын реставрацияләү төгәлләнде

<p> Татарстан башкаласында Петропавлов соборының манарасы реставрацияләнгән. Фасадлар, баскычлар, скобянлы эшләнмәләр, циферблатлар – барысы да тиешле рәвешкә китерелгән, инженерлык челтәрләре төзелгән. </p> <p> Моннан тыш, бүгенге көндә түбәнге храмның рәсем сәнгатен чистарту һәм консервацияләү эшләре төгәлләнгән, беренче ярус сурәтләрен реставрацияләү һәм торгызу буенча проект документациясе эшләнгән, дип хәбәр иттеләр республиканың мәдәни мирас объектларын саклау комитетында. </p> <p> Чиратта – тышкы инженерлык челтәрләрен алыштыру, собор территориясен төзекләндерү, коймаларны торгызу, шулай ук аскы гыйбадәтханәне реставрацияләү (анда табылган фрескалар белән бергә) һәм Косма һәм Дамиан чиркәүләрен дә. </p> <p> Петропавлов соборын сәүдәгәр Михляев акчасына 1723-1726 елларда агач мәхәллә чиркәве урынында төзегәннәр, аның барлыгы 1565 елда билгеле булган. Гыйбадәтханә Казан гына түгел, Россиянең дә иң матур архитектур әсәрләренең берсе. Федераль әһәмияттәге мәдәни мирас объектын реставрацияләү 2020 елдан «Тарихи хәтер» проекты кысаларында уздырыла. </p>

2024-12-12T14:47:42+0300