Казанның Мәүлетов урамында тиздән төзекләндерелгән китапханә ачылачак

Шәһәрдә социаль учреждениеләрне планлаштырылган ремонтлау тәмамланачак, дип ышандырды Р.Гафаров.

Фото: Денис Гордийко

(Казан шәһәре KZN.RU, 28 нче март, Алинә Бережная). Казанда Хөсәен Мәүлетов урамындагы китапханәне капиталь ремонттан соң файдалануга тапшырырга әзерләнәләр. Бу хакта бүген шәһәр Башкарма комитетында узган эшлекле дүшәмбедә Мәдәният идарәсе башлыгы Азат Абзалов хәбәр итте.

Башкарма комитет җитәкчесе Рөстәм Гафаров ассызыклаганча, илдәге тотрыксыз икътисадый вәзгыятькә карамастан, шәһәрдә социаль учреждениеләрне ремонтлау тәмамланачак. «Без шәһәр китапханәләрендә һәм музыка мәктәпләрендә эшләрне тәмамлау өчен бөтен көчебезне куячакбыз, учреждениеләрнең генә түгел, мәдәният тармагының да яңаруы куанычлы», – дип билгеләп үтте ул.

Бүгенге көндә шәһәрнең һәр китапханәсендә интернетка керү мөмкинлеге бар. Бу исә әдәбиятны цифрлы платформалар аша эзләү белән генә чикләнмичә, учреждениедә иҗат һәм эш белән шөгыльләнү өчен мөмкинлек бирә. Мәсәлән, узган ел ахырында «Мега» сәүдә үзәгендә яңа форматтагы китапханә пункты ачылды. Декабрьдән башлап, анда 3 мең китап алганнар.

Фондларны яңарту нәтиҗәсендә дә укуга кызыксыну арта, дип билгеләп үтте Азат Абзалов. 2021 елда китапханәләрдә 12 млн сумлык (моңарчы күрелмәгән хәл) китаплар сатып алынган.