«Безнең ишегалды» программасы командасы быел территорияләре төзекләндереләчәк йортларда яшәүчеләр белән очрашуларын дәвам итәчәк

Шәһәрлеләр архитекторларга һәм республика программасы вәкилләренә кызыксындырган сорауларын бирә алачак.

Фото: Казан шәһәре KZN.RU

(Казан шәһәре KZN.RU, 10 нчы март). Киләсе атнада Казанда «Безнең ишегалды» республика программасы командасының быел территорияләре төзекләндереләчәк йортларда яшәүчеләр белән очрашулары дәвам итәчәк.

Чараларда катнашучылар программаның нинди принципларга нигезләнгәнен, эш барышын ничек күзәтергә һәм җитешсезлекләр турында кая хәбәр итәргә икәнен беләчәкләр. Шулай ук шәһәр халкы архитекторга ишегалдын төзекләндерү турында кызыксындырган сорауларын бирә алачак.

13 нче мартта 18:00 сәгатьтә Авиатөзелеш һәм Яңа Савин районнары халкы белән очрашу оештырылачак. Чара администрациянең (Волгоград урамы, 32) актлар залында узачак.

Чәршәмбе, 15 нче мартта, «Безнең ишегалды» программасы командасы Вахитов һәм Идел буе районнары халкы белән очрашачак. Шәһәрлеләрне 18:00 сәгатьтә «Черек күл «паркы павильонында көтәчәкләр.

Чаралар сериясен Киров һәм Мәскәү районнары халкы белән очрашу тәмамлаячак. Алар өчен фикер алышу 16 нчы мартта 18:00 сәгатьтә планлаштырылган. Очрашу «Мәскәү» мәдәни үзәгендә узачак, дип хәбәр ителә республика программасының Telegram-каналында.

Исегезгә төшерәбез, Совет районы халкы белән очрашу бүген 18:00 сәгатьтә Шуртыгин урамы, 1 адресы буенча урнашкан администрация бинасында (2 нче кат, «Родина»зур залы) узачак.

Быел Казанда барлыгы 482 күп фатирлы йортны колачлаган 274 ишегалды төзекләндереләчәк. Республика программасы гамәлдә булган 3 ел эчендә 7,5 млрд сумлык 1356 күп фатирлы йорт территориясе яңартылган.

Шулай ук укыгыз

Барлык яңалыклар