Казансу яр буенда экологик марафон старт алды

Катнашучылар берничә бирем үтәргә тиеш, моның өчен алар бүләкләр алачак

Казансу яр буендагы экологик станциядә Бөтендөнья калдыкларны икенчел эшкәртү көненә багышланган марафон башланды. Ул 1 декабрьгә кадәр дәвам итәчәк. Фестиваль вакытында теләүчеләр биремнәр үтәячәк һәм моның өчен баллар алачак. Ахырда катнашучылар арасында бүләкләр уйнатылачак.

Шәһәрлеләргә икенчел чимал тапшырырга, эшкәртелгән капкачлардан эшләнмәләр ясау буенча мастер-классларда (теркәлергә кирәк), калдыкларны аерым җыю практикумында булырга, икенчел чимал кабул итү мобиль пунктында волонтер булырга тәкъдим итәләр. Тулырак мәгълүмат белән сылтама буенча танышырга була.

Биремнәрне 8 декабрьгә кадәр үтәргә һәм махсус таблица тутырырга кирәк. Катнашучыларны кафеда бүләк сертификатлары, чүп-чар җыю контейнерлары, күп тапкыр кулланыла торган эчемлек торбалары һәм башка экологик товарлар кебек бүләкләр көтә.

Исегезгә төшерәбез, экостанция «УРАМ» экстрим-паркының футбол кырлары арасында урнашкан һәм интерактив мәгърифәтчелек күргәзмәсен, экологик чаралар өчен киңлекне, эшкәртү остаханәсен һәм калдыкларны аерым җыю пунктын берләштерә. Павильон 12:00 – 20:00 сәгатьләрдә чәршәмбедән якшәмбегә кадәр эшли.

Экологик марафон «Казансуны үстерү стратегиясе» проекты кысаларында «ЭкоЛогично» берләшмәсе һәм «Пихта» бюросы тарафыннан шәһәр мэриясе һәм парклар һәм скверлар дирекциясе ярдәме белән оештырылган.

Шулай ук укыгыз

Барлык яңалыклар