Татарстанда 9 градуска кадәр җылылык фаразлыйлар

Татарстанда 9 градуска кадәр җылылык фаразлыйлар

<p> Бүген төнлә һәм иртәгә иртән Казанда аязучан болытлы һава булачак, явым-төшем көтелми. Җил көньяк-көнчыгыштан (5-10 м/с). Термометрлар баганалары -6..-8 градуска кадәр төшәргә мөмкин, юлларда урыны белән бозлавык булырга мөмкин. 11 март көндез һава +1..+3 градуска кадәр җылыначак. </p> <p> Татарстанда дүшәмбедән сишәмбегә каршы төндә -6..-11 градус салкын, көндез 0..+4 градус җылы булачак. Явым-төшем икеле, дип хәбәр иттеләр ТР Гидрометүзәктә. </p> <p> Чәршәмбе көнне, 12 мартта, республика җылы һава массасында калачак – төнлә температура фоны -3..+2 градус булачак, көндез +1..+6 градус көтелә. Атмосфера фронты якын булу сәбәпле урыны белән бераз явым-төшемнәр фаразлана: төнлә юеш кар, көндез яңгыр. Аерым районнарда җил 15 м/с ка кадәр көчәячәк. </p> <p> Пәнҗешәмбе көнне, 13 мартта, урыны белән бераз яңгыр явачак. Төнлә һава температурасы 0..+3, көндез һава +3..+8 градуска кадәр җылыначак. </p> <p> ТР Гидрометүзәге алдан фаразлаганча, атна азагында җылы һава торышы сакланачак. Хәтта төнге сәгатьләрдә дә температура +1..+4 градустан түбән төшмәячәк. көндез +4..+9 градус көтелә. </p>

2025-03-10T16:08:00+0300