Казан белән Мәскәү арасында февраль һәм март айларында ерак араларга йөри торган өстәмә поездлар билгеләнә

Әлеге күренеш бәйрәм көннәрендә пассажирлар агымының артуы белән бәйле

Денис Гордийко фотосы

Февраль һәм март айларындагы бәйрәм көннәрендә Горький тимер юлында ерак араларга йөри торган өстәмә 205/206 һәм 285/286 номерлы поездлар билгеләнгән. Алар Казан – Мәскәү маршруты буенча пассажирлар тарафыннан ихтыяҗ аеруча зур булган көннәрдә йөриячәк.

205/206 номерлы поезд Татарстан башкаласыннан 20 февральдә һәм 6 мартта 00:10 сәгатьтә юлга кузгала һәм Мәскәүгә шул ук тәүлектә 15:48 сәгатьтә килеп җитәчәк. Кире юнәлештә состав Россия башкаласыннан 20 февральдә һәм 6 мартта 21:27 сәгатьтә юлга чыга һәм Казанда икенче көнне 13:00 сәгатьтә булачак.

Тагын бер өстәмә 285/286 номерлы поезд Татарстан башкаласыннан 23 февральдә һәм 9 мартта 15:00 сәгатьтә китәчәк. Ул Мәскәүгә алдагы тәүлектә 04:07 сәгатькә килеп җитә. Казанга кайту рейслары 24 февральгә һәм 10 мартка билгеләнгән: поезд Мәскәүдән 09:20 сәгатьтә юлга кузгала, Казанга 21:45 сәгатьтә кайтып җитә.

Маршрут тукталышлар ясап кайта, шул исәптән Арзамас-2 һәм Муром-1 станцияләрендә дә тукталачак.

Юл йөрү документларын рәсмиләштерү кагыйдәләре һәм поездлар хәрәкәте турында тулырак мәгълүматны «Россия тимер юллары» ачык акционерлык җәмгыятенең «Пассажирларга» бүлегендәге рәсми сайтында, шулай ук +7(800)775-00-00 телефон номерына шалтыратып белергә була, дип хәбәр итә Горький тимер юллары матбугат хезмәте – «Россия тимер юллары» ачык акционерлык җәмгыятенең филиалы.

Шулай ук укыгыз

Барлык яңалыклар