В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
07.10.2023, 11:14
Казан һәм Дербент тугандаш булдылар
Тиешле килешүгә ике шәһәр башлыклары кул куйды
Фото: Дербент шәһәр округы сайты
(Казан шәһәре KZN.RU, 7 нче октябрь). Кичә Казан белән Дербент арасында туганлык мөнәсәбәтләре урнаштыру турында килешү имзаланды. Тантана «Нарын-Кала» ныгытмасында узды. Документка Казан Мэры Илсур Метшин һәм Дербент башлыгы Рөстәмбәк Пирмагомедов кул куйды.
Туганлык турында килешү икътисади, җитештерү, социаль, мәгариф, мәдәни һәм туристик өлкәләрдә озак вакытлы нигездә дуслык мөнәсәбәтләрен үстерүдә үзара кызыксынуны күздә тота. Шәһәрләр арасында иң яхшы практикалар белән уртаклашу һәм тәҗрибә алмашу көтелә.
Исегезгә төшерәбез, Казанның Пермь, Хабаровск, Уфа, Якутск, Цицикар, Баку һәм башка шәһәрләр белән туганлык мөнәсәбәтләре бар. Тулы исемлек белән сылтама буенча танышырга мөмкин.
Шулай ук укыгыз
-
24.07.2025, 12:32 -
23.07.2025, 15:02 -
22.07.2025, 13:38 -
21.07.2025, 15:37