Казанда «Безнең ишегалды» программасы кысаларында төзекләндерү проектлары буенча халык белән очрашулар дәвам итә

Чираттагы иҗтимагый фикер алышулар Мусин урамындагы 61-нче номерлы йорт янында узды.

Фото: Авиатөзелеш һәм Яңа Савин районнары администрациясе

(Казан шәһәре KZN.RU, 25-нче май). «Безнең ишегалды» программасы буенча төзекләндерү проекты буенча иҗтимагый фикер алышулар бүген Мусин урамындагы 61-нче номерлы йорт янындагы мәйданчыкта узды. Инициатив төркем белән Казан Башкарма комитеты җитәкчесе урынбасары Игорь Куляжев очрашты.

Инициатив төркем вәкиле Татьяна Григорьева ишегалдын төзекләндерү вакытында хәл ителергә тиешле берничә мәсьәләне билгеләде. Әйтик, җирле халык Чуйков урамындагы 22, 24-нче номерлы йортлар янындагы юлларны берничә метрга киңәйтергә, Мусин урамындагы 61-нче номерлы йорт ишегалдында балалар мәйданчыгы ягыннан парковка, ә йортның тышкы ягыннан тротуар ясауны сорыйлар.

Проектантлар сүзләренә караганда, моңа яшел үсентеләр һәм челтәр коммуникацияләре комачауларга мөмкин. Челтәрләр уза торган участоклар ахыргы карар кабул итү өчен кабат үлчәнәчәк. Игорь Куляжев барлык исәп-хисапларны уздырганнан соң инициатив төркем белән тагын бер тапкыр очрашырга тәкъдим итте, дип хәбәр иттеләр Авиатөзелеш һәм Яңа Савин районнары администрациясендә.

Фикер алышуда шулай ук Тышкы төзекләндерү комитеты рәисе Игорь Сәләхетдинов, Авиатөзелеш һәм Яңа Савин районнары администрациясе башлыгы урынбасары Марат Мәхмүтов, Казанның баш архитекторы урынбасары Дарья Толовенкова, «Двор дозор» проект төркеме вәкиле Олег Гордиенко, «Уютный дом» идарәче компаниясе һәм подряд оешмалары вәкилләре катнашты

Исегезгә төшерәбез, «Безнең ишегалды» программасы кысаларында быел Казанда 408 ишегалды мәйданчыгы төзекләндереләчәк, шуларның 35-е – Авиатөзелеш һәм Яңа Савин районнары территориясендә. Казанлылар киләсе елда ремонтланачак ишегалларын сайлый ала. Моның өчен ТР дәүләт хезмәтләре порталында тавыш бирүдә катнашырга кирәк.

Шулай ук укыгыз

Барлык яңалыклар