Көндез Казан урамнарын 505 берәмлек техника һәм 578 юл эшчесе кардан чистартачак

Көндез Казан урамнарын 505 берәмлек техника һәм 578 юл эшчесе кардан чистартачак

<div class="detail-picture"> <img src="https://kzn.ru/upload/iblock/47c/47c470a8b53e58cf11a4ad1dfae47fd8.jpg"> <p class="detail-picture__caption"> Денис Гордийко фотосы<br> </p> </div> <p> Казанда аномаль кар яву күренеше дәвам итә. Узган тәүлектә шәһәрдә 16 мм явым-төшем теркәлгән, Казан урамнарыннан 15,5 мең тонна кар чыгарылган, бозлавыкка каршы 1,5 мең тонна материал: шул исәптән 560 тонна реагент һәм 1 016 тонна ком-тоз катнашмасы тотылган. Җыештыру эшләрендә 964 берәмлек техника һәм 683 юл эшчесе катнашкан. </p> <p> Бүген көндез урам-юл челтәрен җыештыру эшенә 505 берәмлек техника һәм 578 юл эшчесе чыгачак. Төп басым юлларны, тротуарларны, тукталыш мәйданчыкларын кардан арындыруга һәм юлларны бозлавыкка каршы материал белән эшкәртүгә ясалачак. </p> <p> Кыш башыннан шәһәр урамнарыннан 495,7 мең тонна кар чыгарылган, бозлавыкка каршы 39,7 мең тонна материал тотылган. </p> <p> Казанлылар юлларның һәм тротуарларның торышы турындагы хәбәрләрне @kznhelpbot телеграм-ботына юллый яисә +7(843)222-72-22 телефон номерына шалтыратып җиткерә ала. </p> <p>   </p>

2026-01-30T10:01:00+0300