Бәйрәм көннәрендә казанлылар һәм шәһәр кунаклары җәмәгать транспортында 2,3 млн тапкырдан артык йөргән

Транспорт буенча кайнар линия телефонына 9 көн эчендә 165 шалтырату килгән.

Фото: Денис Гордийко

Казан шәһәре KZN.RU, 10-нчы гыйнвар, Дмитрий Никитин). Яңа ел бәйрәмнәрендә 31-нче декабрьдән 9-нчы гыйнварга кадәр Казан халкы һәм кунаклары ял көне графиклары буенча эшләгән җәмәгать транспортыннан 2,3 млн тапкырдан артык файдаланган. Бу хакта бүген шәһәр Башкарма комитетында узган эшлекле дүшәмбе киңәшмәсендә Транспорт буенча комитет рәисе вазифаларын башкаручы Марат Хисаметдинов хәбәр итте.

31-нче декабрьдә 41 шәһәр маршрутында 73 берәмлек күчмә составының эше төн уртасына кадәр озайтылды. 1-нче гыйнварда җәмәгать транспорты 7:00 сәгатьтән йөри башлады.

Традиция буенча, 6-нчы гыйнвардан 7-нче гыйнварга каршы төндә Раштуа бәйрәм гыйбадәте тәмамлаганнан соң, 2:30 сәгатькә «Үзәк стадион» тукталыш пунктына автобуслар һәм бер троллейбус бирелде. Әлеге транспорттан шәһәрнең 22 кешесе файдаланды, дип хәбәр итте М.Хисаметдинов.

Бәйрәмнәргә карамастан, контроль-ревизорлык хезмәте хезмәткәрләре һәм кондукторлар җәмәгать транспорты пассажирларында битлекләр һәм QR-кодлар булуны тикшерүне дәвам иттеләр. «Барлыгы 2300-дән артык транспорт чарасы тикшерелде», – диде Марат Хисаметдинов.

9 көнгә сузылган бәйрәм һәм ялларда кайнар линия телефонына 165 шалтырату килгән. Нигездә, халык чыршыга ничек барып җитү һәм бәйрәмнәрдә җәмәгать транспортының ничек эшләве белән кызыксынган.