В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
05.08.2025, 13:47
«Урам» экстрим-паркында пластикны эшкәртү буенча мастер-класслар узачак
Казанлылар эшкәртелгән капкачлардан сувенир ясый алачак
Августта «Урам» экстрим-паркында пластикны эшкәртү буенча мастер-класслар сериясе старт ала. «Экостанция» павильонында казанлылар эшкәртелгән капкачлардан сувенир булдыра алачак.
Беренче дәрес иртәгә, 6 августта узачак. Шәһәр халкы җыелган капкачларның яңа эшләнмәләргә әверелүен күрер. Оештыручылар катнашучыларга үзләре белән пластик капкачлар алып килергә киңәш итә.
Барлык теләүчеләр дә катнаша ала, моның өчен сылтама буенча теркәлү узарга һәм теләсә нинди уңайлы көнне сайларга кирәк.
Элегрәк хәбәр ителгәнчә, 9 августта республика башкаласында 24 шәһәр мәйданчыгын колачлаячак «Казан спорты көне» узачак. «Урам» экстрим-паркында бәйрәм 9:30 да спорт мәктәпләрендә тәрбияләнүчеләр үткәрәчәк массакүләм иртәнге зарядкадан башлана. Шунда ук Казанның һәм республиканың иң яхшы командалары катнашында урам баскетболы буенча «Оранжевый мяч» (3x3) турниры старт ала.
Шулай ук укыгыз
-
23.12.2022, 16:48 -
18.10.2022, 16:39 -
28.12.2021, 14:22 -
03.12.2021, 09:23