Казанда яшәүче студент кыз, видеокамера алырга теләп, мошенникларга 15 мең сумнан артык акча күчергән

Әлеге факт буенча «Банк картасыннан кылынган урлау» маддәсе буенча җинаять эше кузгатылды

Казаннан студент кыз белдерүләр сайтында видеокамера алырга теләп, 15 мең сумнан артык колак каккан. «Вишневский» полиция бүлегендә «Банк картасыннан кылынган урлау» маддәсе буенча җинаять эше кузгаттылар.

Сайтларның берсендә 22 яшьлек кыз портатив видеокамера сату турында белдерү тапкан. Җайланманың детальләре турында ачыклык кертү өчен ул «сатучы» белән элемтәгә чыккан. Җинаятьче аралашу барышында сылтама җибәргән, шул сылтама буенча студент кызга күчкән. Нәтиҗәдә аның картасыннан 15 мең сумнан артык күчергәннәр.

«Сатучы» элемтәгә чыгудан туктау белән, зыян күрүче алдакчыларның корбаны булуын аңлый. Студент кыз полициягә мөрәҗәгать иткән, хәзерге вакытта хезмәткәрләр шикләнелүченең шәхесен ачыклау буенча оператив-эзләү чараларын үткәрә.

Казан ЭЭМ матбугат хезмәте билгесез хисап язмасыларына акча күчергәндә сак булырга чакыра.

Шулай ук укыгыз

Барлык яңалыклар