30 марттан сигез шәһәр яны поездларының хәрәкәт графигы үзгәрәчәк

Үзгәрешләр Казанны Кизнәр, Арча, Сосновка һәм башка юнәлешләрне бәйли торган маршрутларга кагылачак

Якшәмбе, 30 мартта, шәһәр яны поездларының расписаниесе үзгәрәчәк. Корректировкалар Казанны Бөреле, Арча, Сосновка, Кизнәр, Албаба һәм аэропорт белән тоташтыручы юнәлешләргә кагылачак.

6402 номерлы Казан – Бөреле шәһәр яны поезды ТР башкаласыннан 7:14 тә (дүрт минутка алданрак) китәчәк. Пассажирлар билгеләнгән урынга 8:11 (алты минутка иртәрәк) киләчәк.

6403 номерлы Арча – Казан электричкасы гамәлдәге расписание нигезендә Әмәт станциясенә кадәр барачак, аннары – яңартылган график буенча. ТР башкаласына килү 7:10 да көтелә (ике минутка иртәрәк).

6421 нче Сосновка – Казан электричкасы Дәрвишләр бистәсенә кадәр гамәлдәге расписание нигезендә барачак, аннары яңартылган график буенча. Шәһәргә электричка пассажирларны 7:29 (ике минутка иртәрәк) алып киләчәк.

6423 нче Кизнәр – Казан поездын җибәрү вакыты 15 минутка алданрак планлаштырылган (җирле вакыт белән 6:18). Билгеләү пунктына состав пассажирларны 9:17 дә (17 минутка иртәрәк) китерәчәк.

6703 нче Аэропорт – Казан электричкасы һава гаваненнән 8:40 та (бер минутка алданрак) китәчәк һәм ТР башкаласына 9:09 га киләчәк (бер минутка алданрак).

6704 нче Казан – Аэропорт электричкасы шәһәрдән 9:24 тә (өч минутка соңрак) китәчәк. Пассажирларны 9:53 тә (өч минутка соңрак) һава гаванена китерәчәк.

6364 нче Албаба – Казан шәһәр яны поезды юлга 10:00 сәгатьтә (ике минутка иртәрәк). ТР башкаласына килү 12:06 да (өч минутка иртәрәк) көтелә, дип хәбәр иттеләр «Содружество» АҖ матбугат хезмәтендә.

Барлык маршрутлар буенча җентекле мәгълүматны +7(937)625-04-33 (шалтыратулар тәүлек буе кабул ителә), шулай ук шәһәр яны пассажир компаниясе сайтында яки «РЖД Пассажирам» мобиль кушымтасында белергә мөмкин.

Шулай ук укыгыз

Барлык яңалыклар