«Эхо веков в истории семьи – Тарихта без эзлебез» шәҗәрә фестивале

Ел саен Татарстан Республикасының Архив эше буенча дәүләт комитеты «Эхо веков в истории семьи – Тарихта без эзлебез» шәҗәрә фестивале үткәрә. Әлеге фестиваль буыннар дәвамлылыгын саклап калырга, милли гореф-гадәтләр уртаклыгы нигезендә гаилә-туганлык бәйләнешләрен ныгытырга; үзенә күрә бер нәселнең, халыкның һәм туган якның тарихын өйрәнүгә этәргеч булырга; Татарстан халыкларының милли гореф-гадәтләрен, йолаларын торгызырга; гаилә иҗаты гадәтләрен үстерергә һәм ныгытырга, үсеп килүче буынга гүзәл, әхлакый һәм рухи тәрбия бирүдә аның ролен көчәйтергә юнәлтелгән.

Фестиваль өч этапта үткәрелә: муниципаль, зона һәм республика этапларында.

Фестивальнең барлык этаплары программасы үз эченә ике бүлекне ала, алар жюри әгъзалары тарафыннан расланган шартлар буенча бәяләнә:

1) әзерләнгән милли һәм гаилә ризыклары күргәзмәсе (татлы ризык, тралицион һәм махсус ризыклар), регламент 3 минуттан артмый;

2) «Танышыгыз, минем гаиләм, минем нәсел!» — шәҗәрә тәкъдире белән концерт номерын үз эченә алган команданың визит карточкасы. Әлеге чыгыш бию, җыр, театральләштерелгән куелыш, милли гаилә костюмын тәкъдим итүне үз эченә ала. Регламент — 7 минуттан артык түгел.

Гомуми регламент — бер командага 10 минуттан артык булмаска тиеш.

Шулай ук гаилә шәҗәрәсе агачы әзерләргә кирәк. Анда гаилә нәселе тасвирламасы, истәлекләр һәм гаилә коллекцияләреннән материаллар, гаилә нәселе тормышыннан кызыклы фактлар (гаилә риваятьләре) тәкъдим ителергә һәм альбом, такта, сурәт, коллажлы плакат рәвешендә рәсмиләштерелгән булырга тиеш. Шәҗәрә раслаучы архив документлары нигезендә әзерләнергә тиеш.

Конкурс финалчыларын махсус жюри билгели.

Муниципаль этап Казан шәһәренең 4 район администрациясендә үткәрелә: Авиатөзелеш һәм Яңа Савин районнары администрациясендә, Вахитов һәм Идел Буе районнары администрациясендә, Киров һәм Мәскәү районнары администрациясендә, Совет районы администрациясендә.

Муниципаль этап призерларына диплом һәм акчалата бүләк бирелә:

50 000 (илле мең) сум – 1 урын өчен;

40 000 (кырык мең) сум – 2 урын өчен;

30 000 (утыз мең) сум — 3 урын өчен.

Муниципаль этапта җиңүчеләр (1 урын ияләре) фестивальнең зона этабында катнаша.

Зона этабы призерлары дипломга һәм акчалата бүләккә ия булалар:

100 000 (йөз мең) сум — 1 урын өчен;

80 000 (сиксән мең) сум – 2 урын өчен;

60 000 (алтмыш мең) сум — 3 урын өчен.

Зона турында җиңүче республика этабында катнаша.

Республика этабы призерлары диплом һәм акчалата бүләк ала:

500 000 (биш йөз мең) сум — 1 урын өчен;

400 000 (дүрт йөз мең) сум – 2 урын өчен;

300 000 (өч йөз мең) сум — 3 урын өчен.

«Хезмәт нәселе» номинациясе — 200 000 (ике йөз мең) сум.

«Гаилә традицияләренә ярдәм» номинациясе — 200 000 (ике йөз мең) сум.

«Дөнья гаиләсе» номинациясе — 200 000 (ике йөз мең) сум.

«Тамашачы мәхәббәте» номинациясе — 200 000 (ике йөз мең) сум.

• Фестивальдә кем катнаша ала
• Фестивальдә милләтенә, диненә, яшәү урынына карамастан, гаилә-тугандаш төркемнең берничә буыны вәкилләре берләшкән гаилә нәселләре катнаша. Катнашучыларның максималь саны чикләнми. Катнашучылар төркеменең минималь саны ике буын вәкилләреннән торырга тиеш, яшь чикләүләре юк.
• Фестивальне үткәрү вакыты
• Муниципаль этап — 2024 елның 11 һәм 12 ноябре.
• Зона этабы — 2025 елның 10 февраленнән 20 февраленә кадәр.
• Республика этабы — 2025 елның 15 мае.
• Катнашучыларга таләпләр
• Фестивальдә катнашу өчен документлар төргәген Татарстан Республикасы Архив эше буенча дәүләт комитетына festival.ehovekov@tatar.ru электрон почта адресы буенча тапшырырга кирәк, аннары почта аша юллама җибәрергә яисә шәхсән 420107, ТР, Казан шәһәре, Ново-Песочная урамы, 44 йорт адресы буенча китереп бирергә кирәк.
• 
  
• Түбәндәге документларны тапшырырга кирәк:
• а) Фестиваль турында Нигезләмәгә 2 нче кушымтада күрсәтелгән форма буенча Фестивальдә катнашуга сораунамә-гариза;
• б) Фестиваль турында Нигезләмәгә 3 нче кушымта нигезендә Фестивальдә катнашучы гаилә буыны затлары исемлеге;
• в) гаилә буыны вәкиленең шәхесен таныклаучы документның күчермәсе;
• г) Фестиваль турында Нигезләмәгә 4 нче кушымтада күрсәтелгән форма буенча раслаучы архив документлары нигезендә төзелгән гаилә нәселе шәҗәрәсе;
• д) шәҗәрә төзелгән архив документларының күчермәләре (гражданлык хәле (тууы, никахлашуы яисә аерылышуы, үлеме турында архив белешмәләре), гражданлык хәле актларын дәүләт теркәвенә алу турында таныклыклар, чит дәүләтнең хәбәрдар органнары тарафыннан бирелгән гражданлык хәле актларын дәүләт теркәвенә алу турында таныклыклар һәм аларның нотариаль таныкланган тәрҗемәсе);
• е) Фестивальдә катнашуны планлаштыручы гаилә нәселенең һәр балигъ булган әгъзасыннан шәхси мәгълүматларны эшкәртүгә ризалык (Фестиваль турындагы Нигезләмәгә 5 нче кушымта);
• ж) гаилә нәселенең Фестивальдә катнашуны планлаштыручы һәр балигъ булган әгъзасыннан, әлеге субъект тарафыннан тарату өчен рөхсәт ителгән шәхси мәгълүматларын эшкәртүгә ризалык (Фестиваль турындагы Нигезләмәгә 6 нчы кушымта);
• з) Фестивальдә катнашуны планлаштыручы 14 яшькә җитмәгән, балигъ булмаган баланың шәхси мәгълүматларын эшкәртүгә законлы вәкил тарафыннан рәсмиләштерелгән ризалык (Фестиваль турындагы Нигезләмәгә 7 нче кушымта);
• и) Фестивальдә катнашуны планлаштыручы 14 яшькә җитмәгән, балигъ булмаган баланың, субъект тарафыннан шәхси мәгълүматны тарату өчен  рөхсәт ителгән шәхси мәгълүматларын эшкәртүгә законлы вәкил тарафыннан рәсмиләштерелгән ризалык (Фестиваль турындагы Нигезләмәгә 8 нче кушымта);
• к) шәхси мәгълүматларын эшкәртүгә законлы вәкил ризалыгы белән рәсмиләштерелгән, Фестивальдә катнашырга планлаштыручы 14 яшькә җиткән, балигъ булмаган баланың ризалыгы (Фестиваль турындагы Нигезләмәгә 9 нчы кушымта);
• л) Фестивальдә катнашырга планлаштыручы 14 яшькә җиткән, балигъ булмаган баланың законлы вәкил ризалыгы белән рәсмиләштерелгән, аның субъект тарафыннан  тарату өчен рөхсәт ителгән шәхси мәгълүматларын эшкәртүгә ризалыгы (Фестиваль турындагы Нигезләмәгә 10 нчы кушымта).