Зумба, өстәл хоккее һәм ачык һавада фильмнар: Иске Татар бистәсендә бушлай чаралар узачак

Катнашу өчен теркәлү кирәк

Бу атнада Казанның Иске Татар бистәсе территориясендә бушлай чаралар узачак. Казанлыларны кашык эше буенча мастер-шоуларга, өстәл хоккее буенча ярышларга һәм зумбада катнашырга чакыралар.

Бүген, 22 июльдә, Иске Татар бистәсенең җәйге сәхнәсендә зумба дәресе узачак. Барлык теләүчеләрне 18:30 сәгатькә Каюм Насыйри урамынлагы 26 йорт адресы буенча көтәчәкләр. Катнашу өчен сылтама буенча алдан теркәлү кирәк.

Чәршәмбе көнне, 23 июльдә, шәһәр халкы өчен берничә чара әзерләнде. 16:00 сәгатьтә Ш.Мәрҗани йорты ишегалдында (К.Насыйри ур., 10а) кашык осталыгы буенча мастер-шоу, сылтама буенча теркәлү башлана. Алга таба шул ук көнне казанлылар өстәл хоккее буенча ярышларда катнаша алачак. Алар җәйге сәхнәдә 16:30 сәгатьтә Каюм Насыйри урамындагы 26 йорт адресы буенча башлана. Сылтама буенча теркәлү узарга кирәк.

Шул ук көнне 17:00 сәгатьтә «Казан мәчеләре» балалар өчен интерактив программа үткәрәчәк. Яшь шәһәрлеләрне җәйге сәхнә янында Каюм Насыйри урамындагы 26 йорт адресы буенча көтәчәкләр. Сылтама буенча алдан теркәлү кирәк. Көн Мәрҗани йорты ишегалдында (Каюм Насыйри ур., 10а) «10 жизней» мультфильмын карау белән тәмамлана. Фильмның сюжетында хуҗа хатынга кайтырга мөмкинлек алган мәче тарихы, ләкин башка хайваннар кыяфәтендә. Сеанс 18:00 дә башлана. Карау өчен сылтама буенча теркәлергә мөмкин.

Оештыручылар хәбәр иткәнчә, һава шартлары начарайган очракта кайбер чаралар гамәлдән чыгарылырга яки күчерелергә мөмкин.

Шулай ук укыгыз

Барлык яңалыклар