13 апрельдә Россия телеэкраннарында «Зөләйха күзләрен ача» күрсәтеләчәк

Гүзәл Яхинаның шул исемдәге романы буенча төшерелгән фильмны «Россия 1» каналы аша карарга мөмкин булачак.

(Казан шәһәре KZN.RU, 7-нче апрель). «Зөләйха күзләрен ача» 8 серияле фильмы Россия телеэкраннарына 13-нче апрельдә чыгачак. Гүзәл Яхинаның шул исемдәге романы буенча төшерелгән күптән көтелгән картинаның премьерасын «Россия 1» каналы аша 21.00 сәгатьтә күрсәтәчәкләр, дип хәбәр ителә телеканал сайтында.

Сериалны төшерү 5 айга якын барды. 2018 елның 10-нчы августында Архангельск шәһәрендә смена белән башланып китте. Соңрак кино төшерү Татарстанның Лаеш районында, Казанда, Мәскәүдә, Ярославльдә узды һәм 2019 елның февралендә Пермьдә тәмамланды.

Картинаның режиссеры - Егор Анашкин. Фильмда төп рольләрне Чулпан Хаматова, Сергей Маковецкий, Роза Хәйруллина, Юлия Пересильд, Роман Мадьянов, Евгений Морозов, Александр Бәширов, Рамил Сабитов башкарды.

Узган елның сентябрендә традицион «Аксенов-фест» кысаларында казанлылар фильмның аерым эпизодларын күрделәр. Тамашачыларга картинаның режиссерлык версиясенең ачык мизгелләрен күрсәттеләр.

Шулай ук укыгыз

Барлык яңалыклар